Ցավոք, ամեն ինչ կանխորոշված էր, ընտրությունները վերածվել են աթոռակռվի․ «Փյունիկ»-ի հայտարարությունը

«Փյունիկ» ֆուտբոլային ակումբը հայտարարություն է տարածել Հայաստանի ֆուտբոլի ֆեդերացիայի նախագահի ընտրությունների արդյունքներով․

«Ցանկանում ենք շնորհակալություն հայտնել ձեզ, որ անցնող տարվա վերջին շաբաթներին մեզ հետ կիսեցիք հայկական ֆուտբոլի ապագայի վերաբերյալ ունեցած ապրումները: Մենք միասին հարցեր էինք տալիս, փաստերով քննարկում ֆեդերացիայի գործող ղեկավարության թերացումները, անում էինք հայտարարություններ և անտարբեր չէինք։

Մենք ուրախ ենք` վերջնական արդյունքում հույս ձեռք բերեցինք` ի դեմս Արաս Օզբիլիսի, որին աջակցել է ոչ միայն ֆուտբոլային հանրության մեծ մասը, այլև ամբողջ աշխարհում հայտնի հայ մարզիկները, ինչպիսիք են` Հենրիխ Մխիթարյանը, Կարեն Խաչանովը և Լևոն Արոնյանը, մարդիկ, ովքեր առաջին ձեռքից գիտեն, թե որքան կարևոր է երկրի համար պրոֆեսիոնալ մոտեցումը, ինչպես նաև ուժեղ ու պատասխանատու ֆեդերացիա ունենալը:

Ցավոք, ամեն ինչ նախապես որոշված էր։ Ընտրությունները վերածվել են աթոռակռվի: Քվեարկության արդյունքները մեզ համար անակնկալ չեն։ Աշխատանքի արդյունքները, ինչպես նաև հանրության կարծիքը, հերթական անգամ անամոթաբար անտեսվեցին։

Բայց վերջին շաբաթները մեզ վստահություն տվեցին, որ միասին կարող ենք ազդել ապագայի վրա և հայկական ֆուտբոլը վերադարձնել զարգացման ու առաջընթացի ուղի: Ամեն դեպքում մենք շարունակելու ենք պայքարը մեր երկրի ամենասիրված մարզաձևում` մաքրություն հաստատելու և բարգավաճում ապահովելու համար: Մեզնից կախված ամեն ինչ անելու ենք խաղադաշտում և դրա սահմաններից դուրս` հայկական ֆուտբոլը արժանի մակարդակին վերադարձնելու համար:

Ֆուտբոլը միավորում է մարդկանց ամբողջ աշխարհում, և մենք այս մեծ ընտանիքի մի մասն ենք ։

Հարգանքով ՝ «Փյունիկ» ՖԱ»։ 

Այս թեմայով Խաղաղությունը կբացի ամբողջ տարածաշրջանի ներուժը․ Հայաստանի ու ԱՄՆ-ի կառավարության հայտարարությունը Մտավորականը, որը ստեղծագործում է` նկարում է, գրում, երաժշտություն ստեղծում, չի կարող իր ազգի դարդուցավով չապրել ու ձևացնել, թե ամեն ինչ օքեյ է. Հրապարակ ՔՊ-ն մանդատները չի դնելու, հերթական ընտրությունները 2026-ին են լինելու. Հայկ Կոնջորյան (տեսանյութ) ՀՀ ԿԸՀ անդամները դիտարկել են Եվրախորհրդարանի ընտրությունները Ամեն ինչից շատ սիրում եք դուք ձեր աթոռը. Ռուստամյանը՝ ՔՊ-ին (տեսանյութ) Պարոն Մինասյանը խեղաթյուրում է ամեն ինչ, արտահերթ նիստը կլինի հունիսի 17-ին. Ռուբինյան (տեսանյութ) Մեծ թակարդ կա՝ նախկին ու ներկա բաժանումը, այսօր ամեն ինչ պետք է ստորադասվի գլխավոր նպատակին (տեսանյութ) Ոստիկանությանը կոնկրետ հրահանգ է տրվել` ամեն գնով պահել Նիկոլի իշխանությունը. Աննա Մկրտչյան (տեսանյութ) Կտրուկ գործունեությունների մի սպասեք, մենք խաղաղությամբ ենք ամեն բան անելու. Դավիթ Ամալյան (տեսանյութ) Ամեն օր աղերսում ենք, որ հաղթանակով ավարտվի այս ամենը. ապարանցին` Սրբազանին (տեսանյութ)