Հայաստանում գրանցվել է 63 հազար ինքնակամ կառույց․ Կադաստրի կոմիտեի ղեկավար

Հայաստանում գրանցվել է 63 հազար ինքնակամ կառույց։ Այս մասին հունվարի 9-ին լրագրողների հետ հանդիպման ժամանակ ասել է Կադաստրի կոմիտեի ղեկավար Սուրեն Թովմասյանը։

Նա տեղեկացրել է, որ ամենից շատ նման կառույցներ գրանցվել են 2022թ.՝ մոտ 26 հազար 600, եւ 2023թ.՝ 34 հազար։ «Միայն գրանցում անցնելուց հետո քաղաքացիները հնարավորություն ունեն դիմել այդ կառույցի օրինականացման համար»,- նշել է Թովմասյանը։

Նա հիշեցրել է, որ ինքնակամ կառույցների գրանցման համար հատկացվել է երկու տարի, չնայած ակտիվությունն այս ուղղությամբ քաղաքացիների շրջանում ավելացել է միայն 2023թ. դեկտեմբերին մոտ։ «Եթե քաղաքացիները չեն հասցրել օրինականացնել ինքնակամ կառույցները, ապա օրենքով այժմ դա անել արդեն անհնար է»,- բացատրել է պաշտոնյան։

Նա տեղեկացրել է, որ երկրի 340 բնակավայրերի կադաստրային քարտեզներում մտցվել են ճշգրտումներ, մասնավորապես, շտկումներ են կատարվել Սյունիքի, Շիրակի, Արարատի մարզերի, Կոտայքի մարզի Հրազդանի եւ Ծաղկաձորի, Վայոց ձորի մարզի որոշ բնակավայրերի, ինչպես նաեւ Երեւանի վարչական շրջանների քարտեզներում։

Թովմասյանը նշել է ծառայությունների առավելագույն թվայնացման կարեւորությունը՝ ծախսերի, ինչպես նաեւ կոռուպցիոն ռիսկերի նվազեցման համար։ «2023թ. ավելի քան 850 հազար դիմումների 35 տոկոսը ներկայացվել է էլեկտրոնային տեսքով, քաղաքացիներին պատասխանները նույնպես ուղարկվել են էլեկտրոնային տեսքով։ 2019թ., օրինակ, այս ցուցանիշը 3 տոկոսի մակարդակի էր։ Դիմումների քանակը ժամանակի ընթացքում ավելացել է»,- նշել է նա։

Պաշտոնյան հիշեցրել է նաեւ բջջային հավելվածի մասին, որը կրկնում է Կադաստրի կոմիտեի կայքը։ «Հավելվածում կարելի է օգտվել ծառայություններից ավելի պարզեցված կարգով եւ այնպիսի հայտեր ներկայացնել, որոնք խիստ նույնականացում չեն պահանջում»,- նշել է Սուրեն Թովմասյանը։

Այս թեմայով Հայաստանում հերքել են Ադելիա Պետրոսյանին ՀՀ հավաքական հրավիրելու մասին տեղեկությունը Հանրային Հեռուստաընկերության Քաղաքական հաղորդումների ղեկավար-պրոդյուսերի՝ բացարձակ սուտ պարունակող գրառումը լայքում են ՀՀ արդարադատության նախարարը, ԱԺ քպ-ական պատգամավորներ․ Ռուբեն Մելիքյան Արմավիրի մարզպետը «ՔՊ»-ին շնորհակալություն է հայտնել Գյուլնազարյանին Փարաքարի ղեկավար ընտրելու համար Իրանում գրանցվել է նախագահի 80 թեկնածու Հայաստանում ներքին և արտաքին գործոններով պայմանավորված լարվածությունն ավելի ու ավելի է աճում. Հրապարակ Հունիսի 3-ի դրությամբ հանրապետությունում գրանցվել է կարմրուկով վարակման 442 դեպք Ճապոնիայում 5,9 բալ ուժգնությամբ երկրաշարժ է գրանցվել Հայաստանում հերքել են Ադելիա Պետրոսյանին ՀՀ հավաքական հրավիրելու մասին տեղեկությունը Հայաստանում սպասվում է փոփոխական եղանակ Ադրբեջանը սպառնում է 250․000 ադրբեջանցու անուն հրապարակել, որոնք, իբրև, ապրել են Հայաստանում․ նոր անակնկալներ են սպասվում