Վաշարշապատի անձնագրային բաժնում ասեղ գցելու տեղ չկա, մարդիկ շնչահեղձ են լինում. «Հրապարակ»

Վաշարշապատի անձնագրային բաժնում ասեղ գցելու տեղ չկա, մարդիկ շնչահեղձ են լինում, վիճում են, վիրավորում իրար: Այս մասին գրում է Hraparak.am-ը։ 

Անձնագիր փոխելու կամ հաշվառման կանգնելու համար քաղաքացիներն օրերով հերթ են կանգնում: Բանն այն է, որ էլեկտրոնային, օնլայն հերթագրում հնարավոր է անել միայն Երեւանի անձնագրայիններում եւ օվիրում, իսկ մարզերում այդ ծրագիրը ներդրված չէ եւ ոչ միայն մարզի, այլ նաեւ մայրաքաղաքից են գալիս մարզերի անձնագրայիններ՝ շտապ գործարքներ անելու, եթե օնլայն հերթագրում չունեն: Ուղղակի սոսկալի իրավիճակ է ստեղծվում, երբ, օրինակ, առավոտյան 200-300 հոգի միաժամանակ գալիս են՝ հերթի կտրոն քաշելու: Երեւանում օնլայն դիմողներն այնքան շատ են, որ մեկ կամ երկու ամիս սպասելու փոխարեն քաղաքացիները նախընտրում են գնալ մոտակա մարզեր: 

Հունվար ամսին մարզերի անձնագրայիններում խնդիրն ավելի է բարդանում՝ պայմանավորված զինվորների զորացրումով, որից հետո օրենքով պետք է հաշվառվեն եւ «ուչոտի» կանգնեն: 

Ավելորդ քաշքշուկից եւ վիճաբանություններից զերծ մնալու համար շատ հաճախ անձնագրայինների աշխատակիցները կա՛մ ընդմիջման չեն գնում, կա՛մ գնում են 5 րոպեով: ՀՀ Ներքին գործերի նախարարության ոստիկանության լրատվականից ասացին՝ ծանրաբեռնվածությունից ելնելով՝ հերթագրման համակարգը առաջինը գործարկվել է Երևանում, մարզերում էլ են ներդնելու, բայց թե երբ՝ պարզ չէ: Սակայն այս համակարգի ներդրումով, պարզ է, որ հարցերը չեն լուծվում՝ շտապ գործարք անողները չեն կարող ամիսներ առաջ հերթագրվել եւ սպասել իրենց հերթին։

«Այս պահին ընթանում են համապատասխան գործընթացներ հանրապետության մարզերի ստորաբաժանումներում  նույնպես հերթագրման համակարգ ներդնելու ուղղությամբ»,-ասացին լրատվականից։

Այս թեմայով «Մարդիկ անորոշության մեջ են, չգիտեն՝ ինչ է լինելու». Կիրանցի գյուղապետ Ծառուկյանի հանձնարարությամբ աղետի գոտի են հասցվել առաջին անհրաժեշտության իրեր Դանիել Դանիելյան, հորդ տնի՞ց ես բերել պետական միջոցները, մարդիկ Տավուշից եկել-հասել են. Սրբազան (տեսանյութ) Լանջիկ-Մաստարա հատվածում մարդիկ աղուհացով են դիմավորում Բագրատ սրբազանին ու շարժման մասնակիցներին (տեսանյութ) Արդեն կառուցված շենքը քանդել են՝ թերությունների պատճառով․ «Հրապարակ» «Արա, ու՞մ վրա ես կայֆավատ լինում», «Հանգստացի հլը, արա». լարված իրավիճակ (տեսանյութ) Ծնողները երեխաներին տանում են մանկատուն, բայց պաշտոնապես չեն հրաժարվում, որդեգրման խնդիր է լինում. Մանասյան (տեսանյութ) Վահե Ղազարյանը չի մասնակցելու բյուջեի քննարկմանը. շուրջ 1 ժամ է նա չի կարողանում դուրս գալ նախարարությունից. «Հրապարակ» Ինչ լինում է ոստիկանության, ԱԱԾ-ի ներսում, մենք տեղյակ ենք, ոստիկանապետի մասին էլ ամեն ինչ գիտենք․ Սրբազան (տեսանյութ) Փաշինյանը կրկին «հարձակվեց» Եկեղեցու վրա, ասելով՝ «Որոշ մարդիկ վարկաբեկում են ինստիտուտը» (տեսանյութ)