Արևմուտքը մղում է Փաշինյանին՝ կրկնելու իր կատաստրոֆիկ սխալները

Արեւմուտքի հակառուսկաան տնտեսական եւ ֆինանսական սանկցիաները, որոնք սահմանվեցին դեռեւս 2014 թվականին Ուկրաինայի արեւելքում տեղի ունեցած սրացման հետեւանքով, ըստ ամենայնի, լուրջ հարված չեն հասցնում ռուսական տնտեսությանը: Հիշեցնենք, որ պատերազմի սկսելուց ի վեր  ավելի քան 40 երկրներ ՌԴ–ի դեմ սահմանել են ֆինանսական, առևտրային և անձնական պատժամիջոցներ՝ ԱՄՆ-ից և ԵՄ-ից մինչև Հարավային Կորեա, Շվեյցարիա և Ալբանիա: Արևմուտքը սառեցրեց Ռուսաստանի արժութային պահուստները, առգրավեց մեծահարուստ ռուսների զբոսանավերն ու անշարժ գույքը, կտրեց պետական ​​բանկերը համաշխարհային ֆինանսական համակարգից, հրաժարվեց Ռուսաստանից նավթ և ածուխ գնել և արգելեց սարքավորումների, տեխնոլոգիաների վաճառքը: Մինչդեռ, արի ու տես, որ այդ ամենից տուժում է հենց արևմտյան տնտեսությունը: Եվրոպական մի շարք երկրներում լուրջ դժվարություններ են ի հայտ եկել էներգետիկ ոլորտում: ԵՄ երկրների ներկրվող նավթի մոտ 30%-ը և բնական գազի 40%-ը գալիս է Ռուսաստանից։ Ուկրաինայում տիրող իրավիճակը նպաստել է Եվրոպայում բնական գազի գնի էլ ավելի մեծ աճին, դա էլ իր հերթին հանգեցրել է եվրոպական երկրների բնակիչների համար էլեկտրաէներգիայի, ջեռուցման և տրանսպորտի, ինչպես նաև հացահատիկի և առաջին անհրաժեշտության որոշ ապրանքների գների բարձրացման: ԱՄՆ-ում նախորդ տարվա մարտին գների աճը կազմել է տարեկան 8,5 տոկոս, ինչը կարող է ռեկորդային լինել ավելի քան 40 տարվա ընթացքում։ Եվրամիությունում պատկերը մի փոքր ավելի դրական է՝ 7,5 տոկոս, Մեծ Բրիտանիայում՝ 6,2 տոկոս։ Գերմանիայում էներգիայի թանկացման պատճառով արդյունաբերական ձեռնարկությունների 16%-ը դադարեցնում կամ կրճատում է արտադրությունը: Տուժել է էներգա ինտենսիվ արտադրությունը, ներառյալ՝ պողպատի, ապակու և ցելյուլոզայի և թղթի արդյունաբերությունը: Այս ոլորտի ներկայացուցիչների 32%-ը պլանավորում է կրճատել կամ դադարեցնել արտադրությունը։ 8%-ն արդեն արել է դա։

Ճապոնական խոշոր վերլուծական կենտրոնը կարծում է, որ պատժամիջոցների պայմաններում Ռուսաստանն ավելի շատ եկամուտ է ստանում էներգակիրների արտահանումից, քան մինչ դրանց ներդրումը։ Դեպի Արևմուտք արտահանման ծավալների կրճատման երկու երրորդը «շրջվել է» դեպի Ասիա և Մերձավոր Արևելք։ Այն ամենը, ինչ այսօր տեղի է ունենում արևմտյան տնտեսության հետ, թերևս լավ դաս է ՀՀ իշխանություններին, որոնք, Արևմուտքի ասեղը թելելով, ամեն գնով փորձում են կտրել ՀՀ-ՌԴ տնտեսական կապը՝ մոռանալով, որ Հայաստանի տնտեսությունը շատ ավելի խորն է խարսխված ռուսական տնտեսության վրա, քան եվրոպականը կամ արևմտյանը: Վերջին ամիսներին նախ Միացյալ Նահանգները, ապա նաև Եվրամիությունը, մատնացույց անելով Արևմուտքից Հայաստան, ապա նաև այստեղից Ռուսաստան արտահանման ծավալների շեշտակի աճը, հորդորում էին չաջակցել Կրեմլին և հայացքը ԵԱՏՄ-ից թեքել դեպի ԵՄ։  Նիկոլ Փաշինյանն ու թիմակիցները պետք է հաշվի առնեն պարզ հաշվարկը՝ Հայաստան ներմուծվող նավթամթերքի 77 տոկոսը մենք ստանում ենք Ռուսաստանից: Ատոմակայանի համար անհրաժեշտ միջուկային վառելիքը՝ ուրանը, Հայաստանը ևս ներկրում է Ռուսաստանից։ ԵՄ-ն թեև հայտարարում է, որ աջակցում է ՀՀ էներգետիկ անկախությանը, սակայն հասկանալի չէ, թե կառույցը դրա տակ ինչպիսի առարկայական աջակցություն է հասկանում: Դժվար է ենթադրել, որ ԵՄ-ն կարող է փոխարինել ՌԴ-ին․ Հայաստանի էներգետիկ անվտանգության ապահովման և տնտեսության զարգացման առումով ԵԱՏՄ-ից դուրս գալը Հայաստանին նոր էներգետիկ և տնտեսական խնդիրների առջև է կանգնեցնելու: Խնդիրներ, որոնք լուծման հարցում Արևմուտքն ի վիճակի չի լինի օգնել, քանզի ինքն էլ այսօր կանգնած է բազմաթիվ տնտեսական մարտահրավերների առջև:

Այս թեմայով Նիկոլ Փաշինյանը Սփյուռքի գործերի հանձնակատարներ է նշանակել Այս ջրհեղեղի հետևանքով նոր պետք է անդրադառնանք ճանապարհաշինական ստանդարտներին. Փաշինյան (տեսանյութ) Կղերաֆեոդալական համակարգը բունտ է անում հիմա. Փաշինյան (տեսանյութ) Սահմանազատված հատվածներում ապահովված է անվտանգության հնարավոր ամենաբարձր երաշխիքը. Փաշինյան (տեսանյութ) Եթե հարկ լինի` Կիրանցում նոր դպրոց կկառուցենք, ծնողների հետ կքննարկենք անվտանգության հարցը․ Փաշինյան (տեսանյութ) Դուրս եմ եկել Փաշինյան-Ալիև դուետի դեմ. վերստին ասում եմ՝ Ալիև՛, գլուխդ պատին ես տվել. Սրբազան (տեսանյութ) Նիկոլ Փաշինյանն անդրադարձել է կաթողիկոսի հետ կապված միջադեպին (տեսանյութ) Էդ էլիտաները իրենց «Բրաբուսներով» պատերազմների ժամանակ էլ, խաղաղության ժամանակ էլ չեն տառապում․ Փաշինյան (տեսանյութ) Ուրիշ հերոս չգիտե՞ս. Միքայել Սրբազանը՝ Նիկոլ Փաշինյանին (տեսանյութ) Նիկոլ Փաշինյանը Լոռու եւ Տավուշի մարզերում արտակարգ իրավիճակի կառավարման օպերատիվ շտաբի նիստ է անցկացրել