Փաշինյանն անոնսեց ջրի սակագնի բարձրացումը

Կառավարության նիստի ընթացքում վարչապետ Նիկոլ Փաշինյանը փաստացի անոնսեց ապագայում ջրի սակագնի թանկացումը: «Ջուրը, որպես ապրանք, ամեն օր ավելի կարևոր ու թանկարժեք է դառնում, ու մենք պետք է առերեսվենք մի պրոբլեմի հետ։ Դա նույնն է, որ գնանք, մտնենք «Mercedes»-ի սալոն, 100,000 դրամ տանք, ասենք մեզ մի հատ լավ ավտո տվեք։ Կծիծաղեն մեզ վրա: Ջրի նկատմամբ մեր վերաբերմունքը մոտավորապես այդպիսին է։ Մենք ասում ենք՝ այս 12 դրամը վերցրու, մի հատ խմելու, ոռոգման ու շուրջօրյա ջուր տուր։ Չի լինում այդպես, այս մոտեցումը պետք է փոխվի»,- նշել է Փաշինյանը:

Մինչդեռ հեղափոխությունից հետո Փաշինյանը հայտարարում և խոստանում էր, որ ջրի սակագինը չի փոխվի: «ՀՀ կառավարությունը, Հայաստանի հանրությունը նոր հարաբերություններ կկառուցեն ֆրանսիական կազմակերպությունների հետ: Սա «Վեոլիա ջրի» ու մեր կառավարության համագործակցության առաջին լուրջ օրինակն է»,- հպարտությամբ բարձրաձայնում էր Փաշինյանը: Թե ո՞ւր մնաց կառավարության ու մասնավոր ընկերության համագործակցությունը կամ ի՞նչ հիմքով էր Փաշինյանը խոստումներ տալիս, ենթադրել կարելի է: Փաստն այն է, որ երկրի առաջին դեմքի վստահեցումները կարճ ժամանակ անց հօդս են ցնդում եւ իրականանում ճիշտ և ճիշտ հակառակ սցենարով: 

Հեղափոխությունից հետո տեղեկություն տարածվեց, որ ՀՀ Հանրային ծառայությունները կարգավորող հանձնաժողովը կաշառք է վերցրել «Վեոլիա ջուր» ՓԲԸ-ից` ջրի սակագինը բարձրացնելու համար: Ավելին` կաշառք տալու դիտավորությամբ դեռևս 2017 թվականին ՀՀ Հանրային ծառայությունները կարգավորող հանձնաժողովի նախագահ Ռոբերտ Նազարյանի եւ ՀԾԿՀ ևս 7 պաշտոնատար անձանց համար «Վեոլիա ջուր» ՓԲԸ ֆինանսական ծախսային միջոցներից գնել և տրամադրել են Երևան-Փարիզ-Երևան ուղղությամբ 8 ավիատոմս, ինչպես նաև հոգացել հյուրանոցի ծախսերը, ինչից հետո հանձնաժողովի կողմից համապատասխան որոշմամբ` խմելու ջրի սակագինը բարձրացվել 11,414 դրամով` 180 դրամից դառնալով 191,414 դրամ, որը սուբսիդավորման կարգով փոխհատուցվում է ՀՀ կառավարության կողմից: Հետաքրքիր է՝ ի՞նչ եղավ այդ քրեական գործը, ինչո՞ւ այն ջրվեց և ո՞ւմ էր դա իրականում ձեռնտու: Եվ ինչո՞ւ է արդյունքում Փաշինյանը խոսում ջրի սակագնի հավանական թանկացման մասին, եթե քաղաքացիները շարունակում են բողոքել մատուցող ծառայությունների որակից:

Այս թեմայով Նիկոլ Փաշինյանը Սփյուռքի գործերի հանձնակատարներ է նշանակել Այս ջրհեղեղի հետևանքով նոր պետք է անդրադառնանք ճանապարհաշինական ստանդարտներին. Փաշինյան (տեսանյութ) Կղերաֆեոդալական համակարգը բունտ է անում հիմա. Փաշինյան (տեսանյութ) Սահմանազատված հատվածներում ապահովված է անվտանգության հնարավոր ամենաբարձր երաշխիքը. Փաշինյան (տեսանյութ) Եթե հարկ լինի` Կիրանցում նոր դպրոց կկառուցենք, ծնողների հետ կքննարկենք անվտանգության հարցը․ Փաշինյան (տեսանյութ) Դուրս եմ եկել Փաշինյան-Ալիև դուետի դեմ. վերստին ասում եմ՝ Ալիև՛, գլուխդ պատին ես տվել. Սրբազան (տեսանյութ) Նիկոլ Փաշինյանն անդրադարձել է կաթողիկոսի հետ կապված միջադեպին (տեսանյութ) Էդ էլիտաները իրենց «Բրաբուսներով» պատերազմների ժամանակ էլ, խաղաղության ժամանակ էլ չեն տառապում․ Փաշինյան (տեսանյութ) Ուրիշ հերոս չգիտե՞ս. Միքայել Սրբազանը՝ Նիկոլ Փաշինյանին (տեսանյութ) Նիկոլ Փաշինյանը Լոռու եւ Տավուշի մարզերում արտակարգ իրավիճակի կառավարման օպերատիվ շտաբի նիստ է անցկացրել