Հայաստանն Ադրբեջանի սադրանքի հիմքով դիմելո՞ւ է ՄՔԴ․ Եղիշե Կիրակոսյանի պարզաբանումը

«Լեռնային Ղարաբաղից մարդկանց բռնի տեղահանումը մարդկության դեմ ակնհայտ հանցագործության արարք է,  ներքին նախապատրաստական գործընթացներ են ընթանում», - այդ մասին «Հանրային» Հ/Ը-ին տված «Հարցազրույցում» ասել է ՄԻԵԴ-ում ՀՀ ներկայացուցիչ Եղիշե Կիրակոսյանը՝ հայտնելով, որ Հայաստանը պատրաստվում է Ադրբեջանի ռազմական հանցագործությունների համար հայցեր ներկայացնել ՄՔԴ։

Նա պարզաբանել է, որ խոսքը, մասնավորապես, Լեռնային Ղարաբաղից հայերի բռնի տեղահանման, ինչպես նաև 2022 թվականի սեպտեմբերի պատերազմական հանցագործությունների մասին է։

«Բավականին մեծ ապացուցողական զանգված կա, որն այժմ գնահատական է ստանում», - հավելել է նա:

ՄԻԵԴ-ում ՀՀ ներկայացուցիչ Եղիշե Կիրակոսյանը, անդրադառնալով Կապան-Զանգելան(Կովսական) հատվածում փետրվարի 13-ին Ադրբեջանի կողմից հրաձգությանը, նշել է․

«Փաստացի տեխնիկական առումով սահմանի այսօրվա դեպքը ընկնում է ՄՔԴ-ի տարածքային իրավազորության տակ արդեն, քանի որ դատարանի կանոնադրությունը Հայաստանի համար մտել է ուժի մեջ և գործում է Հայաստանի տարածքի նկատմամբ»։

«Անկախ ամեն ինչից այդ դիպվածը իրավական գործընթացների շրջանակներում կներկայացնենք ՄՔԴ-ում և Մարդու իրավունքների եվրոպական դատարանում», - հայտարարել է նա։  

Կիրակոսյանը պարզաբանում է, որ պետք է հասկանալ, թե ինչպես որակել «այդ արարքը». «Եթե որակել որպես ռազմական հանցագործություն, ապա պետք է հասկանալ, թե ինչ հիմքով»,- ասել է նա՝ զերծ մնալով միջադեպին այս փուլում իրավական գնահատական տալուց:

Այս թեմայով Եղիշե Մելիքյանը նոր պայմանագիր է կնքել «Փյունիկի» հետ Ըմբիշ Եղիշե Մոսեսյանը՝ Եվրոպայի Մ15 առաջնության ոսկե մեդալակիր Ըմբիշ Եղիշե Մոսեսյանը՝ Եվրոպայի Մ15 առաջնության ոսկե մեդալակիր Եվրոպական դատարանը երբեք չի վճռել, որ Հայաստանն օկուպացրել է ԼՂ-ը. Եղիշե Կիրակոսյան Ադրբեջանը իր բացատրություններում ձախողել է. Եղիշե Կիրակոսյանը՝ ՄԱԿ-ի դատարանում Հայաստանի և Ադրբեջանի միջև հավասարության նշաններ դնելու ադրբեջանական փորձերն անլուրջ են և ցինիկ․ Եղիշե Կիրակոսյան Եղիշե Կիրակոսյանը գործուղվում է Հաագա Եղիշե Կիրակոսյանը 5 օրով մեկնում է Ստրասբուրգ «Առանց ժպիտի քեզ հիշել հնարավոր չի, ընկեր»․ Անահիտ Կիրակոսյան Հայաստանը սկսել է օրենսդրության մշակումը Հռոմի ստատուտի սահուն կիրարկումն ապահովելու համար Կիրակոսյան