Աշտարակի ոստիկանների հակաթմրանյութային պայքարի երկու դրվագ

Աշտարակի քրեական հետախույզները ստացել էին հավաստի տեղեկություն, որ Արմավիրի մարզի բնակիչ երիտասարդներ ձեռք են բերում և Աշտարակի տարածքում իրացման նպատակով տեղադրում են թմրամիջոցով փաթեթներ:

Տեղեկության իրացման առաջին դրվագը փետրվարի 8-ին էր: Նախնական ստուգումներից ու ճշգրտումներից հետո, ցերեկվա ժամը 4.20-ի սահմաններում, Սասունիկ-Օշական ճանապարհին Աշտարակի ոստիկանները ձերբակալեցին 24 և 27 տարեկան երիտասարդներին և, նրանցից մեկի վարած մեքենայով հանդերձ, բերեցին բաժին:

Մեքենան տեղափոխվեց բաժնի պահպանվող հատուկ տարածք, իսկ 24-ամյա վարորդի անձնական խուզարկությամբ հայտնաբերվեց փաթեթ` լցված մոտ 34 գրամ դեղնականաչավուն զանգվածով:

Երիտասարդներն ու կազմված փաստաթղթերը ներկայացվեցին Արագածոտնի մարզային քննչական վարչություն: Նախաձեռնվեց քրեական վարույթ: Երկու երիտասարդն էլ ձերբակալվեցին ու տեղափոխվեցին ձերբակալվածների պահման վայր:

Աշտարակի քրեական հետախույզների տեղեկության համաձայն` նույն հակաօրինական գործունեությամբ զբաղվում էին ևս երկու տղամարդիկ՝ դարձյալ Արմավիրի մարզի բնակիչ: Այս տեղեկության հաստատումը փետրվարի 10-ին էր: Երեկոյան ժամը 7-ին մոտ Աշտարակի ոստիկանները, նույն հիմնավոր կասկածանքով և նույն` Սասունիկ-Օշական ճանապարհին, ձերբակալեցին Էջմիածնի բնակիչ 37 և 43 տարեկան տղամարդկանց և, վերջինիս վարած մեքենայով հանդերձ տեղափոխեցին բաժին:

Մեքենան տեղափոխվեց պահպանվող հատուկ տարածք, իսկ 37-ամյա ուղևորի անձնական խուզարկությամբ հայտնաբերվեց երեք փաթեթ` մոտ 30 և 13 գրամ դեղնականաչավուն և մոտ 7 գրամ մուգ գույնի փխրուն զանգվածներով: Ըստ նրա հայտնածի` կանեփն ու հաշիշը ձեռք են բերել տելեգրամյան հավելվածի միջոցով:

Կազմված փաստաթղթերն ու տղամարդիկ ներկայացվել են Քննչական վարչություն: Երկուսն էլ տեղափոխվել են ձերբակալվածների պահման վայր:

Առգրավվել են նաև բջջային հեռախոսներ ու կանխավճարային քարտ: Նախաքննությամբ հանգամանքները պարզվում են։

Այս թեմայով Զինված անձը վնասազերծվել է. ոստիկանների բացահայտումը Ոստիկանների բիրտ ուժի հետևանքով քաղաքացու ուշքը գնաց․ ցուցարարները օգնություն են ցուցաբերում (տեսանյութ) 53 տարի չեմ ապրել, որ գամ ոստիկանների առաջ երկնչեմ, նույնիսկ մահը չի վախեցնի, մինչև սուտը չճզմվի․Սրբազան (տեսանյութ) Հանրային ճնշման արդյունքում՝ ոստիկանների գործողություններն այսօր առավել զուսպ էին․ փաստաբան (տեսանյութ) Կապանում բախված երկու ավտոմեքենաներից մեկի վարորդը հոսպիտալացվել է Դո՞ւք եք համակարգում ոստիկանների վայրագությունները. լրագրողը՝ ՆԳ փոխնախարարին (տեսանյութ) Ոստիկանների լկտի պահվածքի հետևանքը պետք է լինի այն, որ նրանց ազատազրկեն. Արծվիկ Մինասյան (տեսանյութ) Երկու սրբազանների հանդիպումը` Սարդարապատի հուշահամալիրում (տեսանյութ) «Հոգնել եմ, մի քիչ նստեմ, գնամ». Սրբազանը նստեց վահաններով զինված ոստիկանների դիմաց (տեսանյութ) Մեր հաղթանակը մոտ է, պայքարի ենք դուրս եկել հանրային լայն հաշտության օրակարգով. Սրբազան (տեսանյութ)