Մեր երեխաները շուրջ 12 տարի գնում են դպրոց. դա ժամանակ է, որը մենք վերցնում ենք մեր երեխաներից․ նախարար

ԿԳՄՍ նախարար Ժաննա Անդրեասյանը գոհ է հանրակրթության չափորոշչի ներդրումից։ Ֆեյսբուքյան իր էջում նախարարը, մասնավորապես, գրում է․ 

«Այսօր ներկայացվեցին հանրակրթության պետական չափորոշչի՝ Տավուշի մարզում փորձարկման արտաքին գնահատման արդյունքները։ Շատ կարճ նշեմ հիմնական արդյունքը։

Մեր երեխաները շուրջ 12 տարի գնում են դպրոց. դա ժամանակ է, որը մենք վերցնում ենք մեր երեխաներից: Կրթական արդյունքը, որը տալիս էինք մեր երեխաներին, 2015-ի ուսումնասիրությունների համաձայն, համարժեք էր շուրջ 8 տարվա: Այս տարբերությունը ցույց է տալիս դպրոցում անցկացված ամեն օրը, որի ընթացքում մեր երեխաները ոչինչ չեն սովորում։

Հանրակրթության չափորոշչի բարեփոխման արդյունքում կրթական արդյունքը կամ կրթության որակը ավելացել է առնվազն վեց ամսով։ Սա ահռելի արդյունք է, երբ համեմատում ես այլ երկրներում չափորոշչի փոփոխության արդյունքների հետ և մեր գործընկերների վկայությամբ, կարող է աշխարհում ներկայացվել՝ իբրև հաջողված փորձ։

Այս արդյունքի մասին խոսում ենք մի պայմանում, երբ ամբողջ աշխարհը քննարկում է, թե համավարակի հետևանքով յուրաքանչյուր երկիր դպրոցական համակարգում քանի ամսվա կամ նույնիսկ տարվա կորուստ է ունեցել։ Մյուս երկրները հաշվում են իրենց կրթական կորուստը, մենք՝ կրթական առաջընթացը։

Այս արդյունքի մասին խոսում ենք մի պայմանում, երբ չափորոշչի փոփոխությունը և ներդրումը ուղեկցվել է ամենասուր հանրային կասկածամտությամբ ու քննադատությամբ։

Այս արդյունքը դժվար գործընթացի մեկնարկն է միայն, առջևում չափորոշչի հետագա շարունակական ներդրումն է բոլոր դպրոցներում։ Միավորենք ջանքերը, սիրելի ուսուցիչներ, տնօրեններ, սովորողներ, անենք ավելին»։

Այս թեմայով Մենք մեր երկիրը գրեթե չենք ճանաչում, այնքան բան կա իմանալու․ ԿԳՄՍ նախարար Քննարկվել են ԿԳՄՍ բոլոր ուղղություններով Հայաստանի և Լատվիայի միջև համագործակցության հեռանկարները ԿԳՄՍ նախարարը պարզաբանել է՝ ինչու պատրաստ չէ 10-րդ դասարանի «Պատմություն» առարկայի դասագիրքը ԿԳՄՍ փոխնախարարը հանդիպել է «Նոր ալիք 2024» մրցույթում հաղթած երգչուհի Անահիտ Հակոբյանի հետ Կլինեն առարկաներ, որոնք այս տարի դասագրքեր չեն ունենա. ԿԳՄՍ փոխնախարար Այս ուսումնական տարին ազդարարում ենք մշակութային կրթության տարի. ԿԳՄՍ նախարարն ուղերձ է հղել ԿԳՄՍ նախարարն ընդունել է ոչ պետական դպրոցների տնօրեններին Բերեզովսկիին խրախուսել են ԿԳՄՍ շնորհակալագրով ԿԳՄՍ-ն և Հանրային հեռուստաընկերությունը Ֆեստիվառին հրավիրել են 2 երգիչ, սակայն գումար են հատկացրել 6-ի համար․ ո՞վքեր են մյուս 4-ը ԿԳՄՍ փոխնախարարը Աշտարակում կարևորել է նոր դասագրքերի, արտադպրոցական կրթության հարցը