Բրիտանուհին իր տան հատակի տակ հայտնաբերել է 103-ամյա «ժամանակի կապսուլա»
Այլ
Բրիտանուհին իր տան հատակի տակ 103-ամյա «ժամանակի կապսուլա» է հայտնաբերել, գրում է Mirror-ը։ Կնոջ խոսքով՝ ինքը աներևակայելի ուրախ է, որ կարողացել է շոշափել պատմությունը։
Մադլին Գուդվինը պատմել է, որ իր տան հատակի տակ գտել է փոքր տուփ, որի ներսում 1901 թվականի կոպեկ կար, մի տուփ ծխախոտ, գլխարկ, Աստվածաշունչ և նամակ։ Բացի այդ, բրիտանուհին պարզել է, որ այս տուփն ունի մի ամբողջ պատմություն, որը շարունակվում է ավելի քան մեկ դար։
Երբ Գուդվինը համացանցում սեղան էր վաճառում, նրա հետ կապ է հաստատել հաճախորդը: Պարզվել է, որ վերջինս նույնպես բնակվել է այդ տանը՝ Մադլինին հայտնելով, որ կապսուլան համալրում են նախորդ բնակիչները՝ հաջորդի համար։
«Այս տունը պատկանել է նրա ընտանիքին 130 տարի՝ 1890 թվականին կառուցվելուց մինչև 2007 թվականին վաճառվելը», - մեկնաբանել է Գուդվինը:
Բրիտանուհին խոստովանել է, որ ինքն ու ամուսինն արդեն մտածում են, թե ինչ կարող են ավելացնել ձեռքից ձեռք անցնող այս հավաքածուին։
«Կարող ենք USB կրիչ թողնել նկարներով և գուցե երգերով»,- ասել է կինը:
Բրիտանուհին ծովափին մամոնտի ատամ է հայտնաբերել
Ամենադիտված 
Փաշինյանն արձագանքել է Սրբազանի հանդիպման առաջարկին
