Սերգեյ Լավրովը Յուրի Նավոյանին պարգևատել է Ռուսաստանի արտաքին գործերի նախարարության «Խաղաղության ամրապնդմանը նպաստելու համար» մեդալով

Ռուսաստանի արտաքին գործերի նախարար Սերգեյ Լավրովի 2024 թ․ փետրվարի 27-ի հրամանագրով ԴԻԱԼՈԳ կազմակերպության նախագահ Յուրի Նավոյանը պարգևատրվել է Ռուսաստանի արտաքին գործերի նախարարության «Խաղաղության ամրապնդմանը նպաստելու համար» մեդալով։

Յուրի Նավոյանը տևական ժամանակ զբաղվում է միջազգային հարաբերությունների, հայ-ռուսական համագործակցության և հայկական սփյուռքի հարցերով։

Նրա նախաձեռնած ծրագրերը հասարակական դիվանագիտության միջոցով նպաստում են հայ-ռուսական երկխոսության դաշտի ընդլայնմանը, միջխորհրդարանական և միջկուսակցական հարաբերությունների զարգացմանը, միջմշակութային և գիտակրթական փոխանակման խորացմանը, Հայաստանի և Ռուսաստանի միջև համակարգային հարաբերությունների ամրապնդմանը։ 

Յուրի Նավոյանը Երևանի պետական համալսարանի պատմության ֆակուլտետի և ՌԴ ԱԳՆ Դիվանագիտական ակադեմիայի միջազգային հարաբերությունների ֆակուլտետի շրջանավարտ է։ Ավարտել է նաև Եվրոպայի Խորհրդի քաղաքագիտական դասընթացները (Ստրասբուրգ), փորձաշրջան է անցել Հարվարդի համալսարանի Իրավաբանական դպրոցում (Բոստոն), Դանիայում և Շվեդիայում։  Ղեկավարել է Հայաստանի կրթության և գիտության նախարարության Սփյուռքի բաժինը, «Ռուս-Հայկական համագործակցություն» կազմակերպությունը, իսկ 2017 ապրիլին համախոհ քաղաքագետների հետ միասին հիմնադրել է ԴԻԱԼՈԳ հասարակական կազմակերպությունը։ 

Վեջին տարիների խոշոր ծրագրերից, որոնք իրագործվել են նրա ղեկավարությամբ, կարելի է առանձնացնել Միջազգային գործերի ռուսաստանյան խորհրդի (РСМД) հետ համատեղ անցկացվող ամենամյա քաղաքագիտական կլոր սեղանները, Հայ-Ռուսական հումանիտար երկխոսության «Հերոսական բալլադ» նախագիծը, Գեղարքունիքի մարզպետի ղեկավարած պատվիրակության՝ Ռուսաստան և Օմսկի նահանգապետի ղեկավարած պատվիրակության՝ Հայաստան գործնական ծրագրերով փոխադարձ այցերի նախաձեռնումը և իրականացումը, «Բիբլիո-Գլոբուսի» հետ համատեղ Հայ-Ռուսական ակումբի հիմնադրումը, ԴԻԱԼՈԳ մատենաշարի ստեղծումը, Հայաստանի և Ռուսաստանի արտաքին գործերի նախարարությունների հետ համագործակցաբար հայ-ռուսական համաձայնագրերի երկլեզվյա եռահատորյակի կազմումը և Երևանում ռուսական գրքի տան հետ միասին դրա հրատարակումը, Ստեփանակերտի ռուսական դրամատիկական թատրոնի և «Լիտերատուրնայա Արմենիա» ամսագրի հովանավորումը և այլն։   

Նշենք, որ սա Ռուսաստանի արտաքին գործերի նախարար Սերգեյ Լավրովի կողմից Յուրի Նավոյանի երկրորդ պարգևատրումն է․ 2017 թվականին նա արժանացել է Ռուսաստանի արտաքին գործերի նախարարության «Փոխգործակցության համար» մեդալի։

Հատկանշական է, որ մինչ այդ՝ 2016 թվականին Յուրի Նավոյանը պարգևատրվել է Հայաստանի արտաքին գործերի նախարարության Պատվո մեդալով։

Այս թեմայով ՀՀ ԱԽ քարտուղար Արմեն Գրիգորյանը մասնակցում է «Ուկրաինայի խաղաղության բանաձև գագաթնաժողովին» Հավաքին մասնակցելու նպատակով այլ անձանց նյութապես շահագրգռելու համար մեկ անձ ձերբակալվել է, մեկին էլ ձերբակալելու որոշում է կայացվել. ՔԿ Ուկրաինան չի բացառում ՌԴ-ի մասնակցությունը խաղաղության գագաթնաժողովին Զելենսկին ժամանել է Շվեյցարիա՝ մասնակցելու խաղաղության գագաթնաժողովին Արթուր Հովհաննիսյանը նշանակվել է օտարերկրյա պետություններում Սփյուռքի գործերի հանձնակատար Ճանապարհների վիճակի բարելավման համար Գործադիրը հատկացրել է 2.83 մլրդ դրամ 15 մլն դրամ՝ սփյուռքի հետ համագործակցության շրջանակում կրթամշակութային միջոցառումների իրականացման համար Դեպի Ռուսաստան հայկական արտահանման համար տնտեսական խոչընդոտներ այժմ չկան. ՀՀ էկոնոմիկայի նախարար Իսկ ի՞նչ կանեի ես, եթե լինեի ոստիկանապետ Արամ Հովհաննիսյանը (որ մեղքիս համար). Խուդոյան Փաշինյանը օտարերկրյա պետություններում Սփյուռքի գործերի հանձնակատար է նշանակել