Դեսպան Հովհաննիսյանը Քեթի Էրինգթոնի հետ մտքեր է փոխանակել ՀՀ-Նոր Զելանդիա համագործակցության վերաբերյալ

Նոր Զելանդիայում Հայաստանի դեսպան Արեգ Հովհաննիսյանը (նստավայրը՝ Տոկիո, Ճապոնիա) Օքլենդում աշխատանքային այցի շրջանակներում մարտի 4-ին հանդիպեց Նոր Զելանդիայի արտաքին գործերի և առևտրի նախարարության Օքլենդի գրասենյակի փոխտնօրեն Քեթի Էրինգթոնին, ում ներկայացրեց ՀՀ նորանշանակ պատվո հյուպատոս Հակոբ Կարապետին։ Այս մասին հայտնում են Ճապոնիայում ՀՀ դեսպանությունից

Ք. Էրինգթոնը, շնորհավորելով Հակոբ Կարապետին, գոհունակություն հայտնեց Օքլենդում հայկական պաշտոնական ներկայացուցչության հաստատման կապակցությամբ և վստահություն հայտնեց, որ պատվո հյուպատոսը կնպաստի Հայաստանի ճանաչելիության մակարդակի բարձրացմանը և համագործակցության ընդլայնմանը։

Հանդիպման մասնակիցները մտքեր փոխանակեցին երկկողմ և բազմակողմ համագործակցության ներկա վիճակի և հեռանկարների վերաբերյալ։ Նույն օրը դեսպան Հովհաննիսյանը հանդիպեց հայտնի նախկին քաղաքական գործիչ, տարբեր ժամանակներում տարբեր նախարարական պաշտոններ զբաղեցրած, ներկայում՝ Օքլենդի առևտրաարդյունաբերական պալատի նախագահ Սայմոն Բրիջիսի հետ, ում ներկայացրեց Հայաստանի գործարար միջավայրը, տնտեսական առաջընթացը և հեռանկարները։

Դեսպանը կարևորեց չիրացված ներուժի բացահայտումը, մասնավորապես՝ ինտենսիվ և էկոլոգիապես մաքուր գյուղատնտեսության, վերականգնվող էներգետիկայի, թվային տեխնոլոգիաների բնագավառներում։ Կողմերը պայմանավորվեցին ուղիներ գտնել՝ երկու երկրների համապատասխան կառույցների միջև ինստիտուցիոնալ համագործակցություն հաստատելու նպատակով։

Հանդիպումներին դեսպան Հովհաննիսյանին ուղեկցում էին պատվո հյուպատոս Հակոբ Կարապետը և խորհրդային շրջանի դիվանագետ, ներկայում՝ քաղաքական վերլուծաբան, հասարակական գործիչ, Մասսեյ համալսարանի դոկտոր, պրոֆեսոր Ռուբեն Ազիզյանը։

Այս թեմայով Հանրային մեղադրողը միջնորդություն է ներկայացրել դատարան՝ Նարեկ Սամսոնյանին և Վազգեն Սաղաթելյանին 3 ամսով կալանավորելու վերաբերյալ Ֆինանսների նախարարությունը հնդկական կողմի հետ քննարկել է համագործակցության շարունակականությունը Նախագահը և Իտալիայի դեսպանը քննարկել են համագործակցության հետագա զարգացման օրակարգային հարցեր ՀԻՄԱ․ հրապարակվում է դիզելի գործով Սերժ Սարգսյանի ու մյուսների վերաբերյալ վճիռը ԲԿ-ում ավելի քան 18 մլն դրամի հափշտակություն է կատարվել. 4 անձի վերաբերյալ նախաքննությունն ավարտվել է Կիրականացվի աղետի գոտու շենքերի և կառույցների տեխնիկական վիճակի հետազննություն. Քաղաքաշինության կոմիտե Ռուբեն Ռուբինյանը Բելգիայի դեսպանին է ներկայացրել Հայաստան-Թուրքիա հարաբերությունների կարգավորման ներկա փուլը Փառահեղ անցյալ, անորոշ ներկա և հզոր ապագա, եթե ինքներս դա կամենանք․ «Միասնություն» շարժման ղեկավար Արման Վարդանյան Սաուդյան Արաբիան 12 տարվա ընդմիջումից հետո դեսպան է նշանակել Սիրիայում Բաքվի վերաքննիչ դատարանը մերժել է Ռուբեն Վարդանյանի նկատմամբ խափանման միջոցը երկարացնելու վերաբերյալ բողոքը