Դեսպան Հովհաննիսյանը Քեթի Էրինգթոնի հետ մտքեր է փոխանակել ՀՀ-Նոր Զելանդիա համագործակցության վերաբերյալ

Նոր Զելանդիայում Հայաստանի դեսպան Արեգ Հովհաննիսյանը (նստավայրը՝ Տոկիո, Ճապոնիա) Օքլենդում աշխատանքային այցի շրջանակներում մարտի 4-ին հանդիպեց Նոր Զելանդիայի արտաքին գործերի և առևտրի նախարարության Օքլենդի գրասենյակի փոխտնօրեն Քեթի Էրինգթոնին, ում ներկայացրեց ՀՀ նորանշանակ պատվո հյուպատոս Հակոբ Կարապետին։ Այս մասին հայտնում են Ճապոնիայում ՀՀ դեսպանությունից

Ք. Էրինգթոնը, շնորհավորելով Հակոբ Կարապետին, գոհունակություն հայտնեց Օքլենդում հայկական պաշտոնական ներկայացուցչության հաստատման կապակցությամբ և վստահություն հայտնեց, որ պատվո հյուպատոսը կնպաստի Հայաստանի ճանաչելիության մակարդակի բարձրացմանը և համագործակցության ընդլայնմանը։

Հանդիպման մասնակիցները մտքեր փոխանակեցին երկկողմ և բազմակողմ համագործակցության ներկա վիճակի և հեռանկարների վերաբերյալ։ Նույն օրը դեսպան Հովհաննիսյանը հանդիպեց հայտնի նախկին քաղաքական գործիչ, տարբեր ժամանակներում տարբեր նախարարական պաշտոններ զբաղեցրած, ներկայում՝ Օքլենդի առևտրաարդյունաբերական պալատի նախագահ Սայմոն Բրիջիսի հետ, ում ներկայացրեց Հայաստանի գործարար միջավայրը, տնտեսական առաջընթացը և հեռանկարները։

Դեսպանը կարևորեց չիրացված ներուժի բացահայտումը, մասնավորապես՝ ինտենսիվ և էկոլոգիապես մաքուր գյուղատնտեսության, վերականգնվող էներգետիկայի, թվային տեխնոլոգիաների բնագավառներում։ Կողմերը պայմանավորվեցին ուղիներ գտնել՝ երկու երկրների համապատասխան կառույցների միջև ինստիտուցիոնալ համագործակցություն հաստատելու նպատակով։

Հանդիպումներին դեսպան Հովհաննիսյանին ուղեկցում էին պատվո հյուպատոս Հակոբ Կարապետը և խորհրդային շրջանի դիվանագետ, ներկայում՝ քաղաքական վերլուծաբան, հասարակական գործիչ, Մասսեյ համալսարանի դոկտոր, պրոֆեսոր Ռուբեն Ազիզյանը։

Այս թեմայով Ադրբեջանն ու Տաջիկստանը ռազմավարական համագործակցության հռչակագիր են ստորագրել ՀԻՄԱ. Սրբազանը ներկա է «ԳՈՅ»-ի «Գարեգին Նժդեհ. իրական առասպել» կատարմանը Անահիտ Մանասյանն ընդունել է Հայաստանում Լիտվայի արտակարգ և լիազոր դեսպան Անդրիուս Պուլոկասին Հայաստանի և Չեխիայի ԱԳ նախարարները մտքեր են փոխանակել տարածաշրջանային թեմաների շուրջ Կիրանցի ճանապարհին բռնության է ենթարկվել ազատամարտիկ Մելքոն Թամրազյանը ԱԱԾ-ն հաղորդագրություն է տարածել Կիրանցում ստեղծված իրավիճակի վերաբերյալ Դեսպան Տիգրան Գալստյանը հանդիպել է Ռումինիայի ԱԳՆ Ֆրանկոֆոնիայի հարցերով ազգային համակարգող Ամիրա Միհայլեսկուի հետ Իլ դը Ֆրանսի գործընկերների հետ քննարկեցինք Երևանի երթուղային ցանցի վերաբերյալ ուսումնասիրությունը. Ավինյան Ժաննա Անդրեասյանը Թուրքիայի մշակույթի և զբոսաշրջության նախարարի հետ է հանդիպել, «մշակութային համագործակցության» մասին են խոսել Քիշնևի քաղաքապետը Երևանում է․ համագործակցության հարցեր են քննարկել