Ռուսաստանում ազատ, բազմակարծիք և ժողովրդավարական ընտրությունների պայմանները հերթական անգամ չեն ապահովվել. Ֆրանսիայի ԱԳՆ

Ֆրանսիան ի գիտություն է ընդունում նախագահական ընտրությունների ակնկալվող արդյունքը, որով Վ.Պուտինը հինգերորդ ժամկետով մնում է Ռուսաստանի Դաշնության նախագահ։ Այս մասին ասվում է Ֆրանսիայի ԱԳՆ մամուլի հաղորդագրության մեջ։

«Ընտրական գործընթացը Ռուսաստանում տեղի է ունեցել քաղաքացիական հասարակության նկատմամբ բռնաճնշումների և ռեժիմի դեմ ցանկացած ձևի հակազդման, խոսքի ազատության անընդհատ աճող սահմանափակումների և անկախ լրատվամիջոցների գործունեության արգելքի համատեքստում։ Քաղաքական հակառակորդ Ալեքսեյ Նավալնին մահացավ այս ընտրություններից մի քանի շաբաթ առաջ` հատկապես ռուսական իշխանությունների կողմից նրա կալանքի պայմանների խստացումից հետո: Ուկրաինայում պատերազմի շարունակմանը դեմ թեկնածուներին թույլ չտվեցին մասնակցել ընտրություններին՝ զգալիորեն նվազեցնելով դրա բազմակարծությունը։ Քարոզարշավի ընթացքում թեկնածուների համար լրատվամիջոցներին հավասար հասանելիության առումով միջազգային չափանիշները չեն պահպանվել: Ազատ, բազմակարծիք և ժողովրդավարական ընտրությունների պայմանները հերթական անգամ չեն ապահովվել։ Ֆրանսիան ողջունում է Ռուսաստանի բազմաթիվ քաղաքացիների խիզախությունը, ովքեր խաղաղ ճանապարհով դեմ են արտահայտվել իրենց հիմնարար քաղաքական իրավունքների դեմ այս հարձակմանը»,-ասվում է հաղորդագրության մեջ:

«Ֆրանսիան ափսոսում է, որ ի հեճուկս իր միջազգային պարտավորությունների, Ռուսաստանը որոշեց չհրավիրել Եվրոպայի անվտանգության և համագործակցության կազմակերպության (ԵԱՀԿ) Ժողովրդավարական հաստատությունների և մարդու իրավունքների գրասենյակի դիտորդական առաքելությանը:

Ֆրանսիան նաև դատապարտում է Ռուսաստանի, այսպես կոչված, «ընտրությունների» կազմակերպումը Ռուսաստանի կողմից ժամանակավորապես օկուպացված ուկրաինական տարածքներում՝ Ղրիմի Ինքնավար Հանրապետությունում և Սևաստոպոլ քաղաքում, ինչպես նաև Դոնեցկի, Լուգանսկի, Զապորոժիեի և Խերսոնի շրջանների մի մասում։ Ռուսաստանի կողմից ժամանակավորապես օկուպացված ուկրաինական տարածքներում, այսպես կոչված, «ընտրությունների» անօրինական կազմակերպումը միջազգային իրավունքի և ՄԱԿ-ի կանոնադրության նոր խախտում է։ Ֆրանսիան չի ճանաչում և երբեք չի ճանաչի այս, այսպես կոչված, «ընտրությունների» անցկացումն ու արդյունքները և վերահաստատում է իր կապվածությունը Ուկրաինայի ինքնիշխանությանը, անկախությանը, միասնությանը և տարածքային ամբողջականությանը։

Ֆրանսիան նաև դատապարտում է Ռուսաստանի կողմից Աբխազիայի և Հարավային Օսիայի անջատողական շրջաններում, ինչպես նաև Մոլդովայի Հանրապետության Մերձդնեստրի շրջանում առանց Վրաստանի և Մոլդովայի իշխանությունների համաձայնության ընտրատեղամասերի տեղադրումը»-ասվում է Ֆրանսիայի ԱԳՆ հաղորդագրության մեջ։

Այս թեմայով Սրբազանի կողմնակիցների մեքենաներն «ազատ արձակվեցին»` բանակցությունների արդյունքում (տեսանյութ) Սա կորուստ է բոլորիս համար. առաջին անգամ է, որ Արցախի հանրային հեռուստատեսության օրը Արցախում չենք նշում. Հրայր Ավետիսյան Փարաքար համայնքում այսօր տեղի ունեցածը ոչ այլ ինչ էր, քան իշխանազավթման հերթական դրսևորում. «Ապրելու երկիր» Մեկ տոննա կոկաինի մաքսանենգության գործով կալանավորված բոլոր անձինք ազատ են արձակվել․ ԱԱԾ պահեստազորի սպաների միություն Առևանգված Բաբկեն Ասրյանին ազատ արձակեցին Անգամ օտար նվաճողները նման բան չեն արել Եկեղեցու նկատմամբ, միայն հայ սրիկան արեց. Սամվել Նիկոյան (տեսանյութ) Սարդարապատի դեպքը ևս մեկ անգամ ցույց տվեց՝ մեր պետությունն արժեքային սովի մեջ է. Տեր Շահե վարդապետ Անանյան Սարդարապատի հուշահամալիրում բռնի գործողությունները հերթական դրվագն են իշխանությունների ամոթալի ու ապազգային գործունեության․ Մայր Աթոռ Ժամանակն է, որ Ալիևն անհապաղ ազատ արձակի Բաքվում պահվող հայերին. Լեմկինի ինստիտուտ Միրզոյանը և Սիֆրեդին քննարկել են Հայաստանի և Ֆրանսիայի միջև բազմաշերտ գործընկերության հարցեր