Սոչիում տեղի կունենա Հայ-Ռուսական հումանիտար երկխոսության «Հերոսական բալլադ» երեկոն

Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 32-րդ տարեդարձի առիթով ԴԻԱԼՈԳ կազմակերպությունը և Սոչիի հայերի միությունը համատեղ անց են կացնում Հայ-Ռուսական հումանիտար երկխոսության «Հերոսական բալլադ» երեկոն։ Այն տեղի կունենա ապրիլի 15-ին Սոչիի Ձմեռային թատրոնում։

Երեկոյի ընթացքում դրա կազմակերպիչները կներկայացնեն իրենց պատկերացումները հասարակական դիվանագիտության միջոցով հայ և ռուս ժողովուրդների միջև հումանիտար երկխոսության և համագործակցության նշանակությունը միջպետական հարաբերություններում փոխըմբռնման ապահովման և զարգացման գործում։ Կհրապարակվեն նաև երեկոյի կազմակերպիչներին և մասնակիցներին ուղղված ողջույնի ուղերձներ պետական հաստատություններից։

Միջոցառման գեղարվեստական մասում Կուբանի սիմֆոնիկ նվագախումբը և ՌԴ վաստակավոր արտիստ, դաշնակահար Ալեքսանդր Գինդինը կկատարեն ստեղծագործություններ դաշնամուրի և նվագածմբի համար․ Առնո Բաբաջանյանի «Հերոսական բալլադը» և Սերգեյ Ռախմանինովի երկրորդ համերգը։  Իսկ ՌԴ վաստակավոր արտիստուհի Ալիսա Գիցբան (սոպրանո) կներկայացնի եվրոպական հայտնի կոմպոզիտորների օպերային ստեղծագործություններ։

 Ըստ ԴԻԱԼՈԳ կազմակերպության նախագահ Յուրի Նավոյանի, պատահական չէ, որ ձեռնարկը նվիրված է Հայաստանի և Ռուսաստանի միջև դիվանագիտական հարաբերությունների հաստատման հերթական տարեդարձին։

«Իհարկե, հայ-ռուսական փոխհարաբերությունները ունեն բազմադարյա պատմություն, բայց հենց 1992 թվականի ապրիլի 3-ին են դրանք բերվել միջպետական մակարդակի, միջազգային իրավունքի սուբյեկտների իրավահավասար հարաբերությունների մակարդակի։ Հայաստանի և Ռուսաստանի միջպետական հարաբերությունները հենվում են աշխարհաքաղաքական շահերի և իրավա-պայմանագրային բազայի վրա, որոնք արտացոլում են պետությունների քաղաքական շահերը և բավարարում են մեր հասարակությունների սոցիալական և մշակութային կարիքները։

Հայաստանը և Ռուսաստանը ոչ միայն միջազգային իրավունքի սուբյեկտներ են, որոնք իրենց պրագմատիկ շահերն ուեն, այլ նաև մեծ պատմական ժառանգությամբ օժտված յուրահատուկ քաղաքակրթություններ։

Հատկապես միջազգային հարաբերությունների ներկա պայմաններում, երբ մի շարք գործոնների ազդեցությամբ պաշտոնական մակարդակներում Հայաստանի և Ռուսաստանի հարաբերություններում առաջացել են ճգնաժամային երևույթներ, կա անհրաժեշտություն՝ հենվելով նաև հարուստ պատմա-մշակութային ժառանգության վրա, ուժեղացնելու հասարակական երկխոսության մեխանիզմները և կատարելագործելու միջպետական հարաբերությունների օրակարգը, որպեսզի այն ամբողջովին համապատասխանի իր նշանակությանը և ավելի համոզիչ լինի։

Ուստի լիովին օրինաչափ է, որ «Հերոսական բալլադ» ձեռնարկը, որը կրում է խորհրդահայ մեծանուն կոմպոզիտոր Առնո Բաբաջանյանի համանուն ստեղծագործության անվանումը, տեղի է ունենում հասարակական դիվանագիտության նախաձեռնությամբ, համդիսանում է հասարակական դիվանագիտության և բարձր արվեստի համադրություն», - նշել է Յուրի Նավոյանը։  

Ավելացնենք, որ ԴԻԱԼՈԳ կազմակերպության նախատեսմամբ, Հայ-Ռուսական հումանիտար երկխոսության «Հերոսական բալլադ» ձեռնարկի անցկացումը պարբերական բնույթ կկրի և տեղի կունենա Հայաստանի և Ռուսաստանի տարբեր քաղաքներում՝ երկու երկրների տարբեր կոլեկտիվների և արտիստների մասնակցությամբ։

Այս ծրագիրը մեկնարկել է   2021 մարտի 18-ին, երբ ԴԻԱԼՈԳ կազմակերպությունը Հայաստանի պետական սիմֆոնիկ նվագախմբի հետ համագործակցաբար այն անց է կացրել Երևանում, Ալեքսանդր Սպենդիարյանի անվան Օպերայի և բալետի ազգային ակադեմիական թատրոնում։  

Այս թեմայով Փարաքար համայնքում այսօր տեղի ունեցածը ոչ այլ ինչ էր, քան իշխանազավթման հերթական դրսևորում. «Ապրելու երկիր» ՔՊ վարչության նիստ է տեղի ունեցել. Թաթուլ Բաղդասարյանը հեռացվել է կուսակցությունից «Խաղաղության խաչմերուկը» միտված է հարևան երկրների միջև երկխոսության խթանմանը. ՀՀ ԱԳ փոխնախարար Պետական արարողակարգի պատասխանատուին տեղեկացվել է Վեհափառի այցի ժամի մասին, ուստի Սարդարապատում տեղի ունեցածն իշխանությունների կազմակերպած սադրանքն էր. Տեր Եսայի քահանա Արթենյան Ռուսաստանի հայերի միության հայտարարությունը՝ Սարդարապատում տեղի ունեցած միջադեպի կապակցությամբ Ռուսական Առաջին ալիքի սփռումը Հայաստանի հանրային մուլտիպլեքսում դադարեցվել է պարտքի պատճառով. Մխիթար Հայրապետյան Կիպրոսի ԱԳ նախարարությունը ցավակցել է Հայաստանում տեղի ունեցած ջրհեղեղի զոհերի ընտանիքներին Մեծի Տանն Կիլիկո կաթողիկոսությունն արձագանքել է այսօր՝ Սարդարապատում տեղի ունեցածին Հանրապետության տոնի առթիվ տեղի է ունեցել պարգևատրման արարողություն Ռուսական 1-ին ալիքը անդրադարձել է երևանյան այսօրվա ցույցին․ 100.000 մասնակից է դուրս եկել փողոցներ. տավուշյան հանձնվող տարածքները ռուս լրագրողը համարել է հայկական