Սարգիս Խանդանյանը հանդիպել է Շվեդիայի ԱԳՆ ներկայացուցիչների հետ

ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանն ապրիլի 11-ին հանդիպել է Շվեդիայի ԱԳՆ ներկայացուցիչների հետ:

ԱԺ տեղեկատվության և հասարակայնության հետ կապերի վարչությունից հայտնում են, որ հանդիպմանը մասնակցել են Շվեդիայի ԱԳՆ Արեւելյան Եվրոպայի վարչության ղեկավար Էմիլ Գելեբոն, Շվեդիայի ԱԳՆ աշխատակից Անտոն Ռուս Ստհարնմիրան, Հայաստանում Շվեդիայի Թագավորության արտակարգ եւ լիազոր դեսպան Պատրիկ Սվենսոնը եւ դեսպանության երկրորդ քարտուղար Նիկոլինա Նիլսոնը:

Ողջունելով հյուրերին Հայաստանի Ազգային ժողովում` Սարգիս Խանդանյանը նշել է, որ վերջին մի քանի տարիներին Հայաստանի եւ Շվեդիայի հարաբերություններում նկատելի է զարգացման դրական դինամիկա:

«Շվեդիան մեզ համար առանցքային երկիր եւ գործընկեր է: Մենք գնահատում ենք Շվեդիայի աջակցությունը Հայաստանում ժողովրդավարության զարգացման, Հայաստան-ԵՄ հարաբերությունների խորացման հարցում»,- ասել է Սարգիս Խանդանյանը` գնահատելով Հայաստանի սահմանին ԵՄ քաղաքացիական դիտորդական առաքելության տեղակայման իրողությունը:

Խորհրդարանական համագործակցության ասպարեզում ձեռքբերումների պահպանման եւ շարունակականության տեսանկյունից հանձնաժողովի նախագահը կարեւորել է երկու երկրների խորհրդարանների բարեկամական խմբերի գործունեությունը:

Շնորհակալություն հայտնելով հանդիպման հնարավորության եւ ջերմ խոսքերի համար` Շվեդիայի ԱԳՆ Արեւելյան Եվրոպայի վարչության ղեկավար Էմիլ Գելեբոն նշել է, որ Շվեդիայի կառավարությունը պատրաստակամ է աջակցելու Հայաստանի ժողովրդավարական բարեփոխումներին: Նա եւս կարեւորել է խորհրդարանական համագործակցությունը եւ բարեկամական խմբերի միջեւ սերտ աշխատանքը:

Էմիլ Գելեբոն ընդգծել է ԵՄ քաղաքացիական դիտորդական առաքելության կարեւոր եւ անհրաժեշտ դերակատարությունը:

Սարգիս Խանդանյանը հանգամանալից ներկայացրել է ՀՀ կառավարության կողմից մշակված «Խաղաղության խաչմերուկ» նախագծի միջոցով ընձեռվող հնարավորությունները` կարեւորելով դրա կյանքի կոչման ուղղությամբ միջազգային գործընկերների գործուն աջակցությունը:

Զրուցակիցները մտքեր են փոխանակել ՀՀ-ԵՄ գործընկերության ընդլայնվող օրակարգի առանցքային թեմաների, Արեւելյան գործընկերության հարթակում համագործակցությանը, տարածաշրջանային անվտանգությանը վերաբերող հարցերի շուրջ:

Այս թեմայով Հրազդանի կիրճում՝ Սուրբ Սարգիս եկեղեցու մոտակայքում, հրդեհ է բռնկվել Ցավում եմ, որ 2018-ին այնտեղ էի, ցավում եմ, որ 2024-ին այնտեղ չեմ. Սարգիս Գրիգորյան (լուսանկար) Արագածոտնի Ուշի համայնքում տեղի է ունեցել Սուրբ Սարգիս վանական համալիրի վերակառուցման օրհնության կարգը Սարգիս Խանդանյանն ընդունել է մեր երկրում Հարավային Աֆրիկայի նորանշանակ դեսպանին «Հրապարակ». Ստեփանակերտում մնացած Սարգիս Գալստյանը ադրբեջանցիների կողմից ճնշումների ու հետապնդումների է ենթարկվել ՀՀ-ԵՄ-ԱՄՆ եռակողմ հանդիպումը առանձնահատուկ էր ՀՀ-ի արտաքին քաղաքականության դիվերսիֆիկացիայի տեսանկյունից․ Խանդանյան Սարգիս Խանդանյանը կարևորել է Հայաստանի սահմանին ԵՄ դիտորդական առաքելության տեղակայումը Սարգիս Խանդանյանը հանդիպել է ուսանողներին Սուրեն Պապիկյանը Սարգիս Իզմիրլյանին ներկայացրել է ՀՀ զինված ուժերում բարեփոխումների ընթացքը «Հրապարակ». Ինչու է Սարգիս Գալստյանը որոշել Արցախը դատարկվելուց միայն յոթ ամիս անց վերադառնալ Հայաստան