Գեղարքունիքում մեքենան հայտնվել է ձորակում. ընտանիքի անդամները տեղափոխվել են հիվանդանոց

Այսօր՝ ապրիլի 20-ին, ավտովթար է տեղի ունեցել Գեղարքունիքի մարզում։

Ժամը 10:30-ի սահմաններում Երևան բնակիչ 24-ամյա Հովհաննես Ս.-ն իր վարած «Mitsubishi Outlander» մակնիշի ավտոմեքենայով Ծովագյուղ-Շորժա-Արտանիշ ավտոճանապարհի 25 կմ հատվածում՝ դեպի Շորժա ընթանալիս, դուրս է եկել հանդիպակաց երթևեկելի գոտի, բախվել քարերին ու հողաթմբերին ու հայտնվել ձորակում։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով Հովհաննես Ս.-ն և նրա ուղևորներ՝ Երևանի բնակիչներ 43-ամյա Զ. Ա.-ն և 21-ամյա Կ. Ս.-ն մարմնական վնասվածքներով տեղափոխվել են «Սևան» բժշկական կենտրոն։

Դեպքի վայր են ժամանել ՀՀ Ներքին գործերի նախարարության Ոստիկանության Պարեկային ծառայության Գեղարքունիքի մարզի գումարտակի 1-ին վաշտի պարեկները՝ գումարտակի հրամանատար Ալբերտ Մարտիրոսյանի, գումարտակի հրամանատարի տեղակալ Իգոր Ղազարյանի գումարտակի ծառայության ավագ տեսուչ Ներսիկ Գրիգորյանի և վաշտի հրամանատար Արսեն Ստեփանյանի գլխավորությամբ։

Տարածքը սահմանազատել են նույն վաշտի պարեկ Միշա Հակոբյանն ու կրտսեր պարեկ Արթուր Դանիելյանը։

Դեպքի վայր է ժամանել ոստիկանության Ճամբարակի բաժնի հերթապահ խումբը՝ օրվա պատասխանատու հերթապահի գլխավորությամբ։

Վթարի մասին ոստիկանության Ճամբարակի բաժնից տեղեկությունը փոխանցել են ՀՀ քննչական կոմիտեի Գեղարքունիքի մարզային քննչական վարչության Սևանի քննչական բաժին, որտեղից ժամանել է քննչական խումբը՝ բաժնի պետ Թորգոմ Չանդոյանի և օրվա պատասխանատու հերթապահ քննիչի գլխավորությամբ։

Վթարի փաստով Սևանի քննչական բաժնում նախաձեռնվել է քրեական վարույթ։

Քննիչի հանձնարարականով ավտոմեքենան քարշակի միջոցով տեղափոխվեց ոստիկանության Ճամբարակի բաժնի պահպանվող հատուկ տարածք։

Գ. Շամշյանի տեղեկություններով՝ վարորդն ու ուղևորներն ընտանիքի անդամներ են։

Այս թեմայով ՀԻՄԱ․ Բագրատ Սրբազանն ու Շարժման անդամները ՔԿ շենքի մոտ են Արտառոց դեպք՝ Երևանում․ 12-ամյա երեխան «ձեռքի մարդու կծած» ախտորոշմամբ տեղափոխվել է հիվանդանոց Խոշոր ավտովթար՝ Կոտայքում, մեքենան վերածվել է մետաղե ջարդոնի․ կան վիրավորներ Գեղարքունիքում փակվում են ճանապարհներ` ի աջակցություն Սրբազան շարժման (տեսանյութ) Խոշոր վթար Երևան-Երասխ ճանապարհին․ տուժածներին տեղափոխել են հիվանդանոց Դանիել Սարկավագի ինքնազգացողությունը վատացել է, նրան շտապօգնության մեքենայով տարել են հիվանդանոց Վրաերթ Երևանում. մայրն ու 4-ամյա դուստրը տեղափոխվել են հիվանդանոց Թիկնիզյանը նշել է, թե ինչու ձմռանը չի տեղափոխվել Զենիթ Կառավարությունը կեղծիք է որակում Գեղարքունիքում որոշ դիրքեր հանձնելու խոստման մասին հրապարակումները Սլովակիայի վարչապետի դեմ մահափորձ կատարողը տեղափոխվել է հոգեբուժարան