Հայաստանի պաշտպանական ծախսերը նկատելիորեն աճել են. SIPRI

Հայաստանի պաշտպանական ծախսերը 2022 թվականի 795 միլիոն դոլարից 2023 թվականին հասել են 1 միլիարդ 330 միլիոն դոլարի։ Այս մասին են վկայում Ստոկհոլմի Խաղաղության հետազոտությունների միջազգային ինստիտուտի (SIPRI) տվյալները։

ՀՆԱ-ի նկատմամբ ծախսերն աճել են 4,1%-ից մինչև 5,5% (նշենք, որ ՀՀ ֆինանսների նախարարության կողմից հաստատված բյուջետային կանոնների համաձայն՝ պաշտպանության ծախսերը չպետք է պակաս լինեն ՀՆԱ-ի 4%-ից)։

Ադրբեջանում այդ ծախսերը 2 մլրդ 991 մլրդ դոլարից հասել են 3 մլրդ 561 մլն դոլարի կամ ՀՆԱ-ի 3,8%-ից 4,6%-ի։

Ռազմական ծախսերը Իրանում (6,8 դոլարից մինչև 10,3 միլիարդ դոլար) և Թուրքիայում (10,6-ից 15,8 միլիարդ դոլար) աճել են գրեթե մեկուկես անգամ։

Համաշխարհային մասշտաբով ռազմական ծախսերը 2,2%-ից հասել են համաշխարհային ՀՆԱ-ի 2,3%-ի աճի՝ 9-րդ տարին անընդմեջ: Այն հասել է 2 տրիլիոն 443 միլիարդ դոլարի։

Այս տխուր մրցավազքում «առաջատարը» մնում է ԱՄՆ-ն (906 միլիարդ դոլար), որին հաջորդում է Չինաստանը՝ 296 միլիարդ: Այս երկու երկրներին բաժին է ընկնում համաշխարհային պաշտպանական ծախսերի մոտ կեսը: Միաժամանակ, Չինաստանում դրանք փոքր-ինչ աճել են (292 դոլարից հասնելով 296 միլիարդ դոլարի), իսկ ԱՄՆ-ում գրանցվել է ավելի նկատելի աճ (877-ից 916 միլիարդ դոլար):

Ռուսաստանում, որն այս ցանկում զբաղեցնում է 3-րդ տեղը, ծախսերն ավելացել են՝ 86,4 դոլարից հասնելով մինչև 109 միլիարդ դոլարի։

Հնդկաստանը մնում է 4-րդ տեղում՝ ծախսերը փոքր-ինչ աճել են (81,4-ից մինչև 83,6 միլիարդ դոլար)։

Սաուդյան Արաբիան 5-րդ տեղում է (75,8 միլիարդ դոլար՝ 2022 թվականի 75 միլիարդ դոլարի համեմատ): 

Տասնյակում են նաև Մեծ Բրիտանիան (74,9 միլիարդ դոլար), Գերմանիան (66,8 միլիարդ դոլար), Ուկրաինան (64,8 միլիարդ դոլար), Ֆրանսիան (61,3 միլիարդ դոլար) և Ճապոնիան (50,2 միլիարդ դոլար): Ուկրաինայում ծախսերն աճել են գրեթե մեկուկես անգամ (2022 թվականին դրանք կազմել են 44 միլիարդ դոլար)։

Այս թեմայով Կամ հայ ժողովուրդը Նիկոլին կուղարկի պատմության գիրկը, կամ էլ Փաշինյանը նույն բանը կանի Հայաստանի հետ. Աշոտյան «Մայր Հայաստանի» կոչը տեղական և միջազգային իրավապաշտպան կառույցներին Պետդումայում հայտարարել են՝ ՀԱՊԿ-ից դուրս գալու որոշումը կայացնելու է Հայաստանի ներկայիս ղեկավարությունը, որը չի առաջնորդվում հայ ժողովրդի շահերով Կհստակեցնենք Հայաստանի դիրքորոշումը ՀԱՊԿ-ի վերաբերյալ. Պեսկով Ռուսաստանում արձագանքել են ՀԱՊԿ-ից Հայաստանի դուրս գալու մասին Փաշինյանի հայտարարությանը ԵՄ-ն ողջունել է Հայաստանի «Խաղաղության խաչմերուկ» նախաձեռնությունը Արցախն ու Հայաստանի մի մասը հանձնած Նիկոլ Փաշինյանը հայտարարում է՝ արդեն տեղ է հասել (տեսանյութ) Հայաստանի և Ֆրանսիայի միջև ստորագրվել է հումանիտար հակաականային գործունեության ոլորտում փոխըմբռնման հուշագիր Հայաստանի ազգային հավաքականի դարպասապահն ընդգրկվել է ֆուտզալի ՉԼ՝ եզրափակիչ մրցաշարի հավաքականում Հայաստանի հավաքականի ֆուտբոլիստ Վբեյմար Անգուլոն կարիերան կշարունակի Ինդոնեզիայում