Ոստիկանները «Տաճոյի Լյովայի» մոտից մեծ քանակի զենք-զինամթերք են հայտնաբերել

ՀՀ ներքին գործերի նախարար Վահե Ղազարյանի և ՀՀ ՆԳ նախարարի տեղակալ, ոստիկանության պետ, ոստիկանության գեներալ-մայոր Արամ Հովհաննիսյանի կարգադրությամբ Հանրապետությունում շարունակվում է «Զինանոց-2024» համալիր կանխարգելիչ միջոցառումների անցկացումը ոստիկանության տարբեր ստորաբաժանումների կողմից։

Shamshyan-ի հաղորդմամբ՝ ՀՀ ՆԳՆ ոստիկանության Աշտարակի բաժինը՝ բաժնի պետ Սերգեյ Մարտիրոսյանի գլխավորությամբ, նույնպես ակտիվ պայքար են տարել ու շարունակում են տանել ապօրինի զենք-զինամթերքի հայտնաբերման ուղղությամբ և վերջին 1 տարում այնքան զենք ու զինամթերք են հայտնաբերել, այդ թվում քրեական հետախուզության և համայնքային ոստիկանության բաժանմունքների ծառայողների կողմից, ինչպես նաև նրանց ձեռնարկած բացատրական աշխատանքների շնորհիվ, որ կարելի է այդ հայտնաբերված զենք-զինմթերքով մի քանի գունդ զինել։

Այսօր՝ ապրիլի 30-ին, ոստիկանության Աշտարակի բաժնի համայնքային ոստիկանության բաժանմունքի ծառայողները օպերատիվ տեղեկություններ են ստանում, որ Արագածոտնի մարզի բնակիչ 64-ամյա Լևոն Մ․-ի մոտ ապօրինի զենք-զինամթերք կա։

Ոստիկանները բաժնի պետ Ս․ Մարտիրոսյանի գլխավորությամբ այցելում են Լևոն Մ․-ին և բացատրական աշխատանքների արդյունքում վերջինս հայտնում է, որ տեղեկությունը հավաստի է և ոստիկաններին է ինքնակամ հանձնում 1 հատ «SS» մոդելի ջնջված գործարանային համարով ատրճանակ, 1 հատ «ՏՏ» մոդելի առանց գործարանային համարի ատրճանակ, 1 հատ «ՏՏ» մոդելի գործարանային համարով ատրճանակ, 1 հատ թմբուկավոր ատրճանակ և 1 հատ առանց գրառման և գործարանային համարի թմբուկավոր ատրճանակ, 1 հատ «Բռաունինգ» մոդելի առանց գործարանային համարի ատրճանակ, թվով 6 հատ «ՏՏ» մոդելի ատրճանակի փամփշտատուփեր, թվով 1 հատ «Բռաունինգ» մոդելի ատրճանակի փամփշտատուփ, թվով 240 հատ տարբեր տրամաչափի ատրճանակի փամփուշտներ և հայտնել, որ Արցախյան 1-ին պատերազմի ժամանակ բարեգործությամբ զբաղվելիս այնտեղ կատարված այցելությունների ժամանակ ներկայացված զենք-զինամթերքը իրեն տարբեր մարդիկ են տվել և իմանալով, որ զենք-զինամթերքը կամավոր հանձնողը ազատվում է քրեական պատասխանատվությունից` որոշել է կամավոր հանձնել։

Դեպքի փաստով ոստիկանության Աշտարակի բաժնում փաստաթղթեր են ձևակերպվել, որոնք փոխանցվել են ՀՀ Քննչական կոմիտեի Արագածոտնի մարզային քննչական վարչություն։

Աղբյուրի տեղեկություններով՝ Լևոն Մ․-ն Արագածոտնի մարզում հայտնի «Տաճոյի Լյովան» է, ով նախկինում եղել է «Աշտարակի ձոր» ռեստորանային համալիրի սեփականատերը, ռեստորանը հիմա պատկանում է Աշտարակի քաղաքապետ Թովմաս Շահվերդյանի ընտանիքին։

Այս թեմայով Ոստիկաննե'ր, որ տուն եք գնում, ձեզ հարցնու՞մ են՝ ինչ արեցիք, էդ մարդիկ վայրենի՞ էին. Սրբազան (տեսանյութ) Ոստիկանությունը «գլադիատոր» է դարձել, Արարատ Միրզոյանն ո՞վ է, որ այդքան ոստիկաններ պահում էին (տեսանյութ) «Մի արեք, ստոպ, արա՛», «Ամո՛թ, ամո՛թ»․ հարյուրավոր ոստիկաններ քաշքշում են խաղաղ ցուցարարներին (տեսանյութ) Հարյուրավոր ոստիկաններ շրջափակել են ակադեմիան (տեսանյութ) Հրահրում եք, պարոնայք ոստիկաններ, հենց հիմա մեր աչքի դիմացից մեքենա տարան. Սրբազան (տեսանյութ) Հայ սպանե′ր, ոստիկաննե′ր, երազ իմ երկիրն ենք երգում, ձայնակցե′ք, էս մեր երգն ա․ Կիրանցում (տեսանյութ) Ոստիկանական ուժերը գալիս են նաև բեռնատարներով, կառավարության շենքի մոտ վահանավոր ոստիկաններ են (տեսանյութ) Երևան են բերվել ոստիկաններ Հայաստանի գրեթե բոլոր մարզերից (տեսանյութ) Հարյուրավոր ոստիկաններ՝ Օպերայում, կենտրոնն ամբողջությամբ շրջափակվել է ուժայինների կողմից (տեսանյութ) Դիմացը դիմակավոր ոստիկաններ են, էստեղ ատոմային զենք ունեցող չկա, մի’ փչացրեք էդ տղերքին. Սրբազան (տեսանյութ)