ԵՄ-ում սպառնում են չեղարկել Վրաստանի հետ անայցագիր ռեժիմը «oտարերկրյա գործակալների» մասին օրենքի պատճառով. FT

Նիդեռլանդները, Էստոնիան, Չեխիան և Շվեդիան պահանջում են պատժամիջոցներ սահմանել Վրաստանի դեմ՝ ի պատասխան «Օտարերկրյա ազդեցության թափանցիկության մասին» վիճահարույց օրենքն ընդունելու՝ վրացական կառավարության ջանքերի, այս մասին գրում է Financial Times (FT) պարբերականը։

Հնարավոր սահմանափակումների թվում են Վրաստանի և ԵՄ-ի միջև անայցագիր ռեժիմի դադարեցումը, հասցեական պատժամիջոցներն օրենքը սատարող իշխող «Վրացական երազանք» կուսակցության անդամների նկատմամբ և եվրոպական հիմնադրամներից միջոցների հատկացման սառեցումը, նշում է հրատարակությունը։

Վրաստանի դեմ հնարավոր պատժամիջոցների քննարկումը տեղի կունենա մայիսի 27-ին ԵՄ պետությունների արտգործնախարարների հանդիպմանը։

FT-ն նշում է, որ Վրաստանը, լինելով Եվրամիության անդամության թեկնածու, անտեսել է Բրյուսելի նախազգուշացումները և ամիսներ տևած փողոցային բողոքները՝ շարունակելով օրենքի ընդունման ընթացակարգը:

Հրատարակության՝ խնդրից տեղյակ աղբյուրները հայտնել են, որ ԵՄ-ն դիտարկում է «Վրաստանի կառավարության վրա ճնշում գործադրելու տարբեր միջոցներ»:

Ապրիլի 25-ին Եվրախորհրդարանը բանաձև է ընդունել, ըստ որի Բրյուսելը կդադարեցնի Վրաստանի հետ ԵՄ-ին անդամակցելու շուրջ բանակցությունները, եթե «Օտարերկրյա ազդեցության թափանցիկության մասին» օրենքն ընդունվի։ Եվրոպայի խորհրդի Վենետիկի հանձնաժողովը մայիսի 21-ին «համառորեն խորհուրդ է տվել» Թբիլիսիին հրաժարվել վիճահարույց օրենքի ընդունումից։ Եվրախորհրդի հանձնաժողովն ընդգծել է, որ «օրենքը, որն, իբր, ուղղված է թափանցիկության ապահովմանը, օբյեկտիվորեն հանգեցնում է խարանման, լռեցնելու վտանգի և արդյունքում`այն ասոցիացիաների ու ԶԼՄ-ների վերացմանը, որոնք իրենց միջոցների նույնիսկ չնչին մասը ստանում են արտասահմանից»:

Մայիսի 14-ին Վրաստանի խորհրդարանը երրորդ և վերջնական ընթերցմամբ ընդունել է «Օտարերկրյա ազդեցության թափանցիկության մասին» օրենքը, սակայն մայիսի 18-ին երկրի նախագահ Սալոմե Զուրաբիշվիլին վետո է դրել դրա վրա։ Նա իր որոշումը հիմնավորել է այն բանով, որ օրենքն «իր ոգով» ռուսական է, ուստի խոչընդոտում է Վրաստանի եվրոպական ուղին։ Վրաստանի խորհրդարանը, սակայն, մտադիր է հաղթահարել նախագահական վետոն։

Վրաստանում օրինագծի ընդունման պատճառով բազմահազարանոց բողոքի ակցիաներ են տեղի ունեցել, որոնք ուղեկցվել են իրավապահների հետ բախումներով։

Այս թեմայով Նիկոլյան ռեժիմը դե ֆակտո բռնատիրությունից սահուն անցում է կատարում տոտալ ստրկատիրություն. Զոհրաբյան Գերմանիայում փաստավավերագրական ֆիլմ են ներկայացրել Ադրբեջանի ցեղասպան քաղաքականության մասին Ռումբի մասին ահազանգը կեղծ է եղել․ Քիշնև ուղևորված FlyOne-ի օդանավը կվերադառնա Երևան «Սրբազան պայքարը» ոստիկանության բռնությունների պատճառով տուժածներին խնդրում է տվյալներ փոխանցել Մեկնարկում է Եվրո-2024-ը․ ինչ պետք է իմանալ մրցաշարի մասին Այո՛, մարդը կորցրել է ինչ-որ բան, հյուրանոց է կորցրել, բայց անհնար է պետբյուջեով հյուրանոց կառուցենք, իրան տանք. Պապոյանը՝ Արցախի գործարարներին աջակցելու մասին Սուրեն Պետրոսյանը՝ իրեն առեւանգելու եւ իր հետ գործարքի մասին Օրենքի խախտմամբ օտարված «Շողեր» մսուր-մանկապարտեզի գործը դատախազն ուղարկել է Հակակոռուպցիոն դատարան Փաշինյանը ջնջում է պատմական նվաճումների մասին հիշողությունը ռազմական և դիվանագիտական դաշտում 2018-ին նա իմացել է պատերազմի մասին, գնահատել է բոլոր հնարավորությունները. Սրբազան