Մի շարք բնակավայրերում վերականգնվել է Էլեկտրամատակարարումը, գազամատակարարումը, ջրամատակարարումը (ցանկ)

Արգելափակված Ախթալա, Շամլուղ, Մեծ Այրում, Փոքր Այրում, Ճոճկան, Բենդիկ բնակավայրերում այս պահին վերականգնված է Էլեկտրամատակարարումը, ազամատակարարումը, ջրամատակարարումը և կապը։ Այս մասին տեղեկացնում է պատգամավոր Արեն Մկրտչյանը։

«Սարամիջյան ճանապարհով այցելեցինք արգելափակված Շամլուղ, Ախթալա քաղաքներ, օպերատիվ իրավիճակը ներկայացրինք քաղաքացիներին։ Հենասյուներով Դեբեդի վրայով անցնող և Ախթալան ջրամատակարարող խողովակը հեղեղումներից հետո գոյություն չունի։

Մասնագետները ինտենսիվ աշխատում են նոր խողովակ անցկացնելու ուղղությամբ։ Անօդաչու թռչող սարքով համապատասխան տեխնիկական միջոցներ են տարվել մյուս ափ։ Վերականգնումը մոտ օրերի հարց է։ Ամենաուշը վաղը կկարգավորվի Մեծ Այրումի խմելու ջրի հարցը, խողովակը վերականգնում են հիմա։

Իսկ մինչև այդ Ախթալա է տեղափոխվել 4 տոննա տարողությամբ ջրատար մեքենա, որը Ճոճկանից Ագարակի խմելու ջուրը կհասցնի Ախթալա։ Արգելափակված Ախթալա, Շամլուղ, Մեծ Այրում, Փոքր Այրում, Ճոճկան, Բենդիկ բնակավայրերում այս պահին վերականգնված է

• Էլեկտրամատակարարումը
• Գազամատակարարումը (բացի Ախթալա կայարան թաղամասից)
• Ջրամատակարարումը (բացի Ախթալա քաղաքից)
• Կապը
• Չկա սննդամթերքով, դեղորայքով, առաջին անհրաժեշտության պարագաներով սնուցման խնդիր

Սիրելի հայրենակիցներ, եթե կառաջանա որևէ կարիք, դիմեք վարչական ղեկավարին, համայնքապետարան, գրեք ինձ անձնական հաղորդագրություն, անմիջապես կկարգավորենք։ Օգնեք մեզ ձեր խնդիրները մեզ հասցնելով»,- ասվում է պատգամավորի գրառման մեջ։ 

Այս թեմայով Կդադարեցվի մի քանի վարչական շրջանների գազամատակարարումը Սևան քաղաքի գազամատակարարումը դադարեցվել է․ վնասվել է միջին ճնշման գազատար Տավուշի մարզի որոշ բնակավայրերում տուն կառուցելու հիփոթեքի դեպքում կտրվի 5 մլն հավելում Հանրապետության մի շարք հասցեներում կդադարեցվի գազամատակարարումը Մի շարք ինքնաթիռներ տևական ժամանակ չեն կարողացել վայրէջք կատարել «Զվարթնոց»-ում․ որն է եղել պատճառը Հանրապետության մի շարք հասցեներում 1օրով կդադարեցվի ջրամատակարարումը Արարատի մարզի մի շարք բնակավայրերում ջրանջատումներ կլինեն Արաբկիր վարչական շրջանի մի շարք հասցեներում գազանջատումներ կլինեն Արարատի մարզի մի շարք բնակավայրերում 10 ժամ ջուր չի լինի Ինչ աշխատանքներ են այս պահին հեղեղումներից տուժած բնակավայրերում