Բացահայտվել է հանցագործության 183 դեպք

Ըստ ոստիկանության օպերատիվ հաղորդագրությունների ամփոփագրերի՝ հունիսի 21-ից 24-ը ՆԳՆ ոստիկանության ստորաբաժանումները բացահայտել են հանցագործության 183 դեպք, որից 4-ը՝ նախկինում կատարված։

Մասնավորապես՝ մարմնական վնասվածք պատճառելու՝ 25, տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու՝ 19, պաշտոնեական կեղծիքի՝ 8, ֆիզիկական ներգործության՝ 16, թմրամիջոցի հայտնաբերման՝ 15, անձնական ունեցվածքի գողության և խարդախության՝ 12, հոգեկան ներգործության՝ 11, բնակարանային գողության ու պաշտոնեական լիազորությունների չարաշահման՝ 5-ական, խուլիգանության, ինքնիրավչության և սառը զենքի հայտնաբերման՝ 3-ական, սեքսուալ բնույթի բռնի գործողությունների, գույքը ոչնչացնելու կամ վնասելու, կաշառակերության, պաշտոնատար անձի ծառայողական գործունեությանը միջամտելու, զենք-զինամթերքի առգրավման, անհետաձգելի միջամտության որոշման կամ պաշտպանական որոշումը չկատարելու, շրջանառությունն արգելված թփեր, բույսեր աճեցնելու, աշխատանքի պաշտպանության կանոնները խախտելու, ինքնավնասման, երեխայի դաստիարակության կամ խնամքի պարտականությունները չկատարելու կամ ոչ պատշաճ կատարելու, փաստաթղթեր կեղծելու ու դատական ակտը չկատարելու՝ 2-ական, ավազակության, կողոպուտի, պետական ունեցվածքի գողության, վստահված գույքը հափշտակելու, շորթման, կենդանիների նկատմամբ դաժան վերաբերմունքի, թմրանյութի իրացման, ծառերը, թփերը ապօրինի հատելու, բռնություն գործադրելու հրապարակային կոչերի, բռնությունը հրապարակայնորեն արդարացնելու կամ քարոզելու, ինչպես նաև այդ նպատակով նյութեր կամ առարկաներ տարածելու, թմրամիջոցի մաքսանենգության, սուտ մատնության, արգելանքի տակ գտնվող գույքի նկատմամբ ապօրինի արարքի, պաշտոնատար անձի կողմից իր վրա դրված պարտականությունները դիտավորյալ չկատարելու, շրջակա միջավայրին վնաս պատճառելու, անձին ազատությունից ապօրինի զրկելու, անձի տիրապետությունից դուրս եկած գույքին տիրանալու, 16 տարին չլրացած անձին սեռական հարաբերություն առաջարկելու և անառակաբարո գործողություններ կատարելու՝ 1-ական դեպք։ Հայտնաբերվել է 11 հետախուզվող, կամավոր ներկայացել է 4-ը։ Գրանցվել է զենք-զինամթերքի կամավոր հանձնման 2 դեպք։

Նախկինում կատարված հանցագործության հանցագործության դեպքերից բացահայտվել է մարմնական վնասվածք պատճառելու և ավազակության 2-ական դեպք։ Անցած 3 օրվա ընթացքում հանրապետությունում արձանագրվել է ճանապարհատրանսպորտային 46 պատահար. 6 մարդ զոհվել է, 61-ը ստացել է տարբեր աստիճանի մարմնական վնասվածքներ։ 

Այս թեմայով Խnւլիգանության դեպք՝ Արագածnտնում․ hարբած uկեuրայրը hայhnյել է բnւժանձնակազմին Մեկ օրում բացահայտվել է հանցագործության 80 դեպք, արձանագրվել՝ 6 ՃՏՊ, զոհվել՝ 1 մարդ «ՀայաՔվե» քաղաքացիական նախաձեռնությունը հանցագործության մասին հաղորդում կներկայացնի դատախազություն Նոր հանցագործության տեսակ. Երեւանում կեղծում են փաստաթղթեր ու վաճառում են արտագաղթածների բնակարաններ. Հետք Հայաստանում տարեկան կենցաղային այրվածքների մոտ 3000 դեպք է գրանցվում. Անահիտ Ավանեսյան Ապօրինի ջրօգտագործմամբ ձկնաբուծության դեպք է բացահայտվել Գեղարքունիքում Մինչև հիմա տուժող չճանաչված Քարամյանի փաստաբանը հանցագործության մասին հաղորդում է ներկայացրել Հրդեհի՝ 118, փլուզման` 4, թունավորման 7 դեպք․ Փրկարար ծառայությունն ամփոփում է անցած շաբաթը Բացահայտվել է հանցագործության 113 դեպք Բացահայտվել է առերևույթ ազգային և էթնիկական թշնամանքի հիմքով հրեական կրոնական կենտրոնի գույքը վնասելու դեպքը