Կառավարությունը գերակա շահ է ճանաչել ամենալավ հողերը՝ 110 հեկտար, բնակիչներն անդրդվելի են, կբողոքեն այնքան, մինչև հարցին լուծում չտրվի. Վարդենուտի վարչական ղեկավար

Այսօր վաղ առավոտից Արագածոտնի մարզի Վարդենուտ գյուղի բնակիչները փակել են Երևան-Ապարան ճանապարհը։ Բնակիչները բողոքում են Կառավարության ընդունած որոշման դեմ, ըստ որի՝ գյուղից 110 հեկտար հողատարածքը որպես գերակա շահ ճանաչելով՝ վաճառում է, բնակիչներին դրա համար վճարելով 300 դրամ՝ յուրաքանչյուր 1 քմ-ի համար։

Բնակիչները հիշեցնում են՝ Նիկոլ Փաշինյանը ժամանակին ասել է, որ հարցեր լուծելու համար կարող են ճանապարհներ փակել, իրենք էլ այսօր փակել են, որպեսզի նույն Նիկոլ Փաշինյանն իրենց հարցին լուծում տա։

168.am-ի հետ զրույցում Վարդենուտ գյուղի վարչական ղեկավար Կամո Սահակյանն ասաց, որ մարդիկ իրենց իրավունքներն են պաշտպանում՝ դեմ են Կառավարության ընդունած որոշմանն ու իրենց առաջարկվող գումարի չափին։

«Կառավարությունը մարդկանց սեփական հողը՝ 110 հեկտար, ճանաչել է գերակա շահ, փոխհատուցումը 300 կամ 340 դրամ է տալիս՝ 1 քմ-ի համար, մարդիկ ասում են՝ մենք այդքանով չենք ուզում մեր հողը վաճառել։ Բնակիչների մեջ կան մարդիկ, որ ասում են՝  մեր հողի տերն ենք, անասուն ենք պահում, հողով ենք ապրում՝ չենք տալու, կան մարդիկ, որ ասում են՝ քիչ են տալիս փոխհատուցումը։

Այդ հողերը վերցնում են ու լեռնադահուկային համալիր, ճոպանուղի, ջրամբար ու էկո գյուղ են կառուցելու։ Դե, ասում են, որ այդքանը կառուցեն՝ 1100 աշխատատեղ կբացվի, բայց ի՞նչ իմանանք»,- նշեց Կամո Սահակյանը։

Ըստ մեր զրուցակցի, բնակիչներն անդրդվելի են, ասել են՝ կբողոքեն այնքան, մինչև հարցին կոնկրետ լուծում չտրվի։

«Բնակիչները, բացի այդ հողից, էլի հողեր ունեն, գյուղը մի 500 հեկտարի կարգի հող ունի, դրանից զատ։ Բայց այդ հողերն այնքանով են լավ, որ ոռոգելի են, այսինքն՝ դրանց ոռոգելն ավելի հեշտ էր։ Կառավարությունը գերակա շահ է ճանաչել ամենալավ հողերը»,- եզրափակեց Կամո Սահակյանը։

Նշենք, որ Վարդենուտի բնակիչները մարտին կրկին փակել էին Երևան-Վանաձոր ճանապարհը՝ պահանջելով չեղարկել որոշումը, քանի որ այդ հողերն իրենք մշակում են։ Նրանք նամակ էին հղել նաև Էկոնոմիկայի նախարարին ու Նիկոլ Փաշինյանին, սակայն երկու տեղից էլ որևէ պատասխան չէին ստացել։

Այս թեմայով Հայաստանը դարձել է Եվրոպայի մինչև 18 տարեկանների թիմային առաջնության փոխչեմպիոն Կդադարեցվի մի քանի վարչական շրջանների գազամատակարարումը Լյովա Սրապյանը՝ ձյուդոյի մինչև 17 տարեկանների Եվրոպայի առաջնության բրոնզե մեդալակիր Հայաստանի թիմը դարձավ Շախմատի Եվրոպայի մինչև 18 տարեկանների թիմային առաջնության փոխչեմպիոն Մարտակերտ համայնքի ղեկավար Միշա Գյուրջինյանի կալանքը փոխեց տնային կալանքով․ փաստաբան «Միր» միջազգային հումանիտար հիմնադրամի ղեկավար Անդրանիկ Նիկողոսյանը օգնություն է հավաքագրում առաջնագծում կռվող մարտիկների համար (տեսանյութ) Հանրության գերակա շահ ճանաչվեցին Սարյան-Պարոնյան փողոցների միջնամասում գտնվող որոշ տարածքներ Դավիթ Տոնոյանի բարձրացրած հարցերին ՄԻՊ-ը լուծում չի տվել. ասում են՝ համակարգային բնույթ ունեն ՀՀ կառավարությունը 32.000 եվրո փոխհատուցում կվճարի Կալանավորվել են Փարաքար համայնքի նախկին և ևս մեկ բնակավայրի վարչական ղեկավարները