Բացահայտվել է պետական դավաճանության դեպք, 43-ամյա պայմանագրային զինծառայող է կալանավորվել․ ՔԿ

Քննչական կոմիտեն հաղորդում է, որ հունիսի 26-ին նախաձեռնված քրեական վարույթի նախաքննության ընթացքում փաստական տվյալներ են ստացվել Երևան քաղաքի 43-ամյա բնակչի կողմից լրտեսության, պետական գաղտնիք պարունակող տեղեկություններ հանձնելու և օտարերկրյա հատուկ ծառայությունների ներկայացուցչին այլ օգնություն ցույց տալու եղանակներով պետական դավաճանություն կատարելու վերաբերյալ։

«Պարզվել է, որ նշված անձը, հանդիսանալով պայմանագրային զինծառայող և կոչումով կրտսեր սերժանտ, «odnoklassniki.ru» սոցիալական ցանցում առկա՝ իր տվյալներով օգտահաշվով 2023-ի հունվար ամսից կապ է հաստատել ադրբեջանական հատուկ ծառայությունների ներկայացուցիչ հանդիսացող, նույն սոցիալական կայքում մտացածին անվամբ օգտահաշվի ներքո քողարկված անձի հետ։ Ծավալված սիրային զրույցների արդյունքում, վերջինս մտերիմ հարաբերություններ է հաստատել ՀՀ ԶՈւ նշված պայմանագրային զինծառայողի հետ և, հավաքագրել վերջինիս։

Դրանից հետո 43-ամյա տղամարդը, սեռական շահագրգռվածությունից ելնելով, հաղորդակցի հետ ձևավորված շփումը շարունակական պահպանելու համար, վերջինիս առաջադրանքով 2023-ի հունվարից մինչև 2024-ի փետրվար ընկած ժամանակահատվածում հավաքել ու հանձնել է իրենց ստորաբաժանման պահպանության ներքո գտնվող մարտական դիրքի սպառազինության, զինատեսակների քանակի և տեսակի, մարտական դիրքերի տեղակայման վայրերի, հրամանատարական կազմի անհատական տվյալների, մարտական դիրքերի մի շարք փաստաթղթերի և այլնի վերաբերյալ պետական, ծառայողական գաղտնիք կազմող, ինչպես նաև ռազմական բնագավառի այլ տեղեկություններ հանդիսացող տվյալներ»,- ասված է հաղորդագրությունում։

Հուլիսի 2-ին պայմանագրային զինծառայողը ձերբակալվել, ապա կալանավորվել է։ Նա ինքնախոստովանական ցուցմունք է տվել։

Այս թեմայով Ուշագրավ դեպք՝ Ակնալիճ գյուղում․ մայրը զինված հարձակվել է հարազատների վրա. ArmLur.am 30-ամյա երևանցին փակվել էր տանը և ցանկանում էր ինքնասպանություն գործել. փրկարարները կանխել են Սևանա լճում լողափնյա սեզոնին 2023–ին ջրահեղձ է եղել 6 քաղաքացի, իսկ այս տարի արդեն 1 դեպք կա. ՆԳՆ Երևանում հարկադիրը բնակարանից վտարել է 44-օրյա պատերազմում զոհված զինծառայողի կնոջն ու 7-ամյա երեխային Կաշառքի գործով գործարար է կալանավորվել. NEWS.am Կալանավորվել է կանանց ԱՄԷ-ում սեռական շահագործման ենթարկելու գործընթացը համակարգող անձը 40-ամյա տղամարդը հյուրանոցում փորձել է ինքնшվնшսում կատարել. մանրամասներ «Ոսկե ծիրանում» գլխավոր անդրադարձը կլինի Ազնավուրի և Փարաջանովի 100-ամյա հոբելյաններին Մեկ օրում բացահայտվել է հանցագործության 97 դեպք. Գրանցվել է 14 ավտովթար. զոհվել է 1, վիրվորվել՝ 25 մարդ Վրաստանը ողջունում է Երևանի և Բաքվի պատմական որոշումը՝ սկսելու պետական սահմանի սահմանազատման գործընթացը