Հայաստանում մթերվել է շուրջ 6000 տոննա պտուղ-բանջարեղեն

Հայաստանում այս պահի դրությամբ վերամշակող կազմակերպությունները մթերել են շուրջ 6000 տոննա պտուղ-բանջարեղեն:

Այս մասին ասուլիսում ասաց ՀՀ էկոնոմիկայի փոխնախարար Արման Խոջոյանը:

«Այս փուլում նաև գյուղատնտեսական մթերումների սեզոնն է մեկնարկել: Այսօրվա դրությամբ վերամշակող կազմակերպությունների կողմից մթերվել է շուրջ 6000 տոննա պտուղ-բանջարեղեն»,-ասաց Խոջոյանը:

Նախորդ տարվա նույն ժամանակահատվածի համեմատ ծավալը գրեթե նույնն է: Իսկ ողջ 2023-ի ընթացքում մթերված ցուցանիշը եղել է 86 հազար տոննա: Բացի այդ՝ նախորդ տարի մթերվել է 160 հազար տոննա խաղող:

Փոխնախարարի գնահատմամբ՝ այս ուղղությամբ մթերումների գործընթացը դեռևս սահուն է ընթանում: Այս տարի խաղողի մթերման սեզոնը դեռ չի սկսվել:

Անդրադառնալով 2023-ի գյուղատնտեսական համախառն արտադրանքին՝ Խոջոյանը տեղեկացրեց. «Ունեցել ենք գումարային ծավալով 1 տրլն 3 մլրդ դրամ գյուղատնտեսական համախառն արտադրանք: 2024-ի առաջին եռամսյակի տվյալներով՝ գյուղատնտեսական համախառն արտադրանքն աճել է 3.4 տոկոսով»:

2023 թվականին գյուղատնտեսության զարգացման ծրագրերի համար նախատեսված բյուջեն կազմել է 41.58 մլրդ դրամ: Համեմատության համար այս տարի արդեն նախատեսված է ծախսել 44.5 մլրդ դրամ: Խոջոյանի խոսքով՝ գյուղատնտեսության ոլորտին հատկացվող բյուջեն տարեցտարի կառավարությունն ավելացնում է:

Այս թեմայով Միջուկային բժշկությանը նվիրված առաջին գիտաժողովը Հայաստանում Հայաստանում սահմանադրական կարգը տապալված է, այն տապալողի անունն էլ գիտենք․ քաղաքագետ Նարեկ Սամսոնյան Հայաստանում ձերբակալվել է Մեծ Բրիտանիայում հետախուզվող ամերիկացի կին, որին վարձու մարդասպան են համարում Հայաստանում առկա է անվտանգության, արդարության և բարեկեցության դեֆիցիտ. Հակոբ Հակոբյան Տեսակցել եմ Սրբազան պայքարի շրջանակներում կալանավորված շուրջ մեկ տասնյակ քաղաքացիների․ Աբրահամյան Հայաստանում բենզինը մեկ ամսում էժանացել է 20 դրամով Հույս ունեմ, որ արդարադատությունը դեռ չի սատկել Հայաստանում. Կարապետ Գուլոյան Արամ Ա Կաթողիկոսը քննարկել է Եկեղեցու դերը, այսօր նրա շուրջ ստեղծված իրավիճակը Շուրջ 3 տոննա թմրանյութ է առգրավվել. այս անգամ ևս՝ բանաններում թաքցված Ռուսաստանը 7 տոննա մարդասիրական օգնություն է հասցրել Հայաստանում ջրհեղեղից տուժածներին