Ֆրանսիան կշարունակի իր ռազմական աջակցությունը Հայաստանին` անկախ Ադրբեջանի արձագանքից. Bloomberg

Ադրբեջանը սրում է հակամարտությունը Ֆրանսիայի հետ՝ եվրոպական երկրի կողմից Հայաստանին զենք մատակարարելու ֆոնին, գրում է Bloomberg-ը։ Բաքվի նախաձեռնող խումբը, որը սերտ կապեր ունեցող կազմակերպություն է Ադրբեջանի կառավարության հետ, քարոզարշավ է իրականացնում մի քանի շրջաններում Փարիզի կառավարմանը վերջ տալու համար՝ աջակցելով տեղական ակտիվիստներին այնպիսի վայրերում, ինչպիսիք են Պոլինեզիան և Նոր Կալեդոնիան:

Ըստ հոդվածի՝ Բաքվի և Փարիզի միջև առճակատումը, ամենայն հավանականությամբ, կսրվի, քանի որ Ֆրանսիան, որտեղ բնակվում է մեծ հայկական սփյուռք, Երևանի հետ զենքի մատակարարման պայմանագիր է կնքել: Ակնկալվում է, որ Փարիզը կշարունակի իր ռազմական աջակցությունը Հայաստանին՝ անկախ նախագահ Էմանուել Մակրոնի կողմից նշանակված արտահերթ ընտրությունների արդյունքներից։ Անշուշտ, Ադրբեջանն ինքը միլիարդավոր դոլարներ է ծախսել զենքի մատակարարումների վրա, այդ թվում՝ արտաքին ուժերից, ինչպիսիք են Թուրքիան, Իսրայելը և Ռուսաստանը։ Սա նրան օգնել է 2020 թվականից ի վեր երկու պատերազմ մղել Արցախի դեմ։

«Միևնույն ժամանակ, ինչպես նշել է ֆրանսիացի փորձագետ Ֆուկ Վին Նգույենը, Եվրախորհրդարանը բանաձև է ընդունել, որով կոչ է անում դադարեցնել էներգետիկ համագործակցությունը Ադրբեջանի հետ՝ երկրում քաղբանտարկյալների առկայության և մարդու իրավունքների խախտումների պատճառով։ «Աշխարհաքաղաքական հարթություն կա։ Մենք չենք կարող աչք փակել այնտեղ տեղի ունեցողի վրա»,- նշել է փորձագետը՝ մատնանշելով Ադրբեջանի կողմից ուժի կիրառումը և Արցախում մարդու իրավունքների խախտումները։

Ֆրանսիական տեսակետին ծանոթ պաշտոնյան նշել է, որ Ադրբեջանի գործողություններն ակնհայտորեն բացասաբար են անդրադառնում Ֆրանսիայի վրա։ «Ադրբեջանցիները փորձում են ստիպել Ֆրանսիային հետ կանչել կամ նվազեցնել Հայաստանին տրամադրվող աջակցությունը»,- ասել է պաշտոնյան, ով հարցի զգայունությունից ելնելով՝ խնդրել է անանուն մնալ։

Այս թեմայով Աստանան պատրաստ է հարթակ առաջարկել Ադրբեջանի և Հայաստանի միջև խաղաղ բանակցությունների համար․ Տոկաև Համոզված եմ, որ Հայաստանի և Իրանի միջև համագործակցությունը կշարունակի ընդլայնվել․ նախագահ Ադրբեջանի յուրաքանչյուր հաջողություն Հայաստանի համար ստեղծում է մարտահրավերներ. Արա Պողոսյան Ղազախստանը պատրաստ է հարթակ առաջարկել Հայաստանի և Ադրբեջանի միջև խաղաղ բանակցությունների համար. Տոկաև Թուրքիան ակնկալում է Ադրբեջանի և Հայաստանի միջև խաղաղության պայմանագրի շուտափույթ ստորագրում. Թուրքիայի ԱԳ նախարար Իսրայելում Հայաստանի հետ մոտենալու զգացողություն կա՝ չնայած Բաքվի հետ ռազմական հարաբերություններին ԱՄՆ կոնգրեսականները աներկբա իրենց աջակցությունը հայտնեցին ՀՀ տարածքային ամբողջականությանը. Խանդանյան Ռոնալդուն ֆուտբոլային լեգենդ է, բայց Ֆրանսիան հույս ունի հաղթել․ Մբապե Պուտինը հայտնել է՝ երբ «անհապաղ կդադարեցվեն» Ուկրաինայում ռազմական գործողությունները Ադրբեջանի դեմ օգտագործվող հիմնական ազդեցիկ գործիքակազմը դրվել է դարակներում. պատգամավոր