Հախվերդյանի երգերը հիշվում են, հարցազրույզները` մոռացվում. Ամալյան

Երգիչ, երգահան Ռուբեն Հախվերդյանը Պետրոս Ղազարյանին հարցազրույց է տվել և հերթական «մտքի փայլատակումներն» ունեցել: Խոսել է աշխարհաքաղաքական թեմաների մասին, նշել, որ հայերն ու թուրքերը եղբայրական ժողովուրդներ են, իսկ ռուսները թշնամացրել են եղբայրներին, պնդել է, որ անգամ 1988-ից Ղարաբաղյան շարժումը Ռուսաստանն է կազմակերպել, որ անգամ առաջին նախագահը ռուսների «մարդն» է եղել և այլն: Հախվերդյանը, անդրադառնալով «Տավուշը հանուն հայրենիք»-ի շարժմանը, եւ դրան մասնակցություն ունեցած և ակտիվություն ցուցաբերած երգիչներին, հայտարարել է, թե երգելը մի բան է, միտք ունենալը մեկ այլ բան եւ ամեն երգող չէ, որ մտավորական է: Զրուցավարը նշում է անուններ` Արամո, Դավիթ Ամալյան, Մրո և այլն, Հախվերդյանը պնդում է, որ այդ մարդիկ մտավորականներ չեն: 

Երգիչ Դավիթ Ամալյանը «Հրապարակի» հետ զրույցում նշել է,որ շատ մտերիմ հարաբերություններ ունի Հախվերդյանի ընտանիքի հետ, սակայն վերջինիս հայտարարություններին վաղուց արդեն լուրջ չի ընդունում.

«Հախվերդյանի երգերը հիշվում են, իսկ հարցազրույցները` մոռացվում: Նա իմ ավագ ընկերն է և մնում է Ռուբեն Հախվոերդյան, իր ասածները չեմ քննադատում, չեմ քննարկում, որովհետև նա ինձ համար մնում է Ռուբեն Հախվերդյան: Ինչ ուզի, կասի, բայց ես շարունակում եմ իր ընտանիքի հետ լինել մտերիմ, երբեմն երբ հանդիպում ենք` բարևում եմ, երբեմն չեմ բարևում, բայց դա էական չէ: Եթե նա իրեն թույլ է տալիս նման բաներ, իր գործն է, ես ինձ թույլ չեմ տա իրեն քննադատել: Ռուբեն Հախվերդյան կերպարին անգամ սրբազանը դեմ չէ: Ռուբեն Հախվերդյանն անուն ազգանուն չէ` վերնագիր է: Ես բառացիորեն նրան վատ բան չեմ կարող ասել: Ռուբեն Հախվերդյանին այնքան պրովակացիոն հարցեր են տալիս, մինչև մեկի մասին մի վատ բան ասի, բայց անցնում է ժամանակ և իր հարցազրույցները չեն հիշվում, հիշվում են միայն երգերը, որոնք կրթել են մի ողջ սերունդ», - ասել է Ամալյանը:

Այս թեմայով Մրոյի ազգագրական երգերը` Սուրբ Աննա եղեկեցու բակում (տեսանյութ) Կտրուկ գործունեությունների մի սպասեք, մենք խաղաղությամբ ենք ամեն բան անելու. Դավիթ Ամալյան (տեսանյութ) Դե դուք չեք պատկերացնի, որ հնարավոր ա առանց շահի գնալ մարդկային արժեքի համար պայքարելու, առավել ևս կռվելու. Դավիթ Ամալյան Հավատում եմ՝ ամեն բան լավ է լինելու. Դավիթ Ամալյան (տեսանյութ) Չեմպիոնի գործն արժևորվում է իր կենդանության օրոք․ Արայիկ Հարությունյան Ատելությունով եկել են, թող սիրով վերանան. Դավիթ Ամալյան (տեսանյութ) Մենք դատապարտված ենք հաղթանակի այլ ճանապարհ չունենք, այս դեպքում հաղթելու է հանուն սիրո ուժը. Դավիթ Ամալյան (տեսանյութ) Սա սիրո պայքար է, ինչն ամենամեծ արժեքն է, եթե ի վիճակի ես, միացի'ր սիրո պայքարին. Դավիթ Ամալյան (տեսանյութ) Պարեկները ազդանշաններով փորձում են խլացնել դեպի Երևան ընթացող երթի հոգևոր երգերը (տեսանյութ) Թուրքիայի գործակալներն էսօր մեր պետությունը բառացիորեն հանձնում են Ադրբեջանին. ո՞ւմ եք ասում՝ գործակալ. Դավիթ Ամալյան (տեսանյութ)