Բուհերի ընդունելության քննությունների լրացուցիչ փուլին մասնակցում է 139 դիմորդ

Բուհերի ընդունելության քննությունների հիմնական փուլն ավարտվել է, և արդեն մեկնարկել է 3-րդ կամ լրացուցիչ փուլը։ Այդ մասին «Փաստինֆո»- ին հայտնեց ԳԹԿ մամուլի քարտուղար Խաչանուշ Գրիգորյանը։

Զինված ուժերից մինչև հուլիսի 31-ը զորացրված-զորացրվողները, օտարերկրացիները, այդ թվում՝ սփյուռքահայերը, Հայաստանի օտարերկրյա հանրակրթական հաստատությունների շրջանավարտները, նաև առողջական խնդիրների պատճառով քննությունն ընդհատած և ԳԹԿ-ի թույլտվությունը ստացած թվով 139 դիմորդներն այս փուլում են քննություն հանձնում: Ողջ հանրապետությունում մեկ քննական կենտրոն է գործում, որը գտնվում է Դավիթաշենի թիվ 189 ավագ դպրոցում: Հուլիսի 4-ին՝ առաջին քննական օրը այստեղ 29 հոգի քիմիա է հանձնել, 2-ը՝ ռուսերեն: Նույն օրվա երեկոյան քննության թեստերն ու ճիշտ պատասխանները տեղադրվել են Գնահատման և թեստավորման կենտրոնի atc.am և dimord.am կայքերում: Այս փուլում ոչ բոլոր առարկաներից են քննություններ լինելու, օրինակ, հայտագրվածներ չկան աշխարհագրություն, ֆրանսերեն, գերմաներեն առարկաներից, նաև՝ իտալերենից ու պարսկերենից: Այս երկու լեզուները,ի դեպ, ոչ ոք չէր հայտագրել նաեւ նախորդ փուլում: Ընդհանուր առմամբ առարկաներն 8-ն են:

Այսօր օտար լեզուների միասնական քննությունն է տեղի ունեցել, իսկ վաղը՝ հուլիսի 6-ին, տեղի կունենա մաթեմատիկայինը: Այնուհետև քննաշրջանը շարունակվելու է մեկ օր հետո՝ հուլիսի 8-ին՝ հայոց լեզու և հայ գրականություն, հուլիսի 9-ին՝ աշխարհագրություն և կենսաբանություն, հուլիսի 10-ին՝ ֆիզիկա, հայոց պատմություն առարկաներից:
Այս տարվա առանձնահատկությունն այն է, որ առաջին անգամ նոր կրթական չափորոշիչով կազմված թեստերով քննություն հանձնող դիմորդներ էլ ունենք՝ Տավուշի մարզի 962 շրջանավարտները: Քննությունները, բնականաբար, զուգահեռ են, օրինակ, հուլիսի 5-ին Տավուշում օտար լեզվի քննություն է: Այստեղ անգլերեն հանձնող 245 հոգուց բացի նաև 3 դիմորդ գերմաներեն է հանձնում և 9 հոգի՝ ֆրանսերեն: Տավուշի մարզում ֆրանսերենից ու գերմաներենից բացի, նաև աշխարհագրություն հանձնողներ են լինելու:

Այս փուլում, նկատի ունենալով դիմորդների փոքրաթիվ խմբերը, գնահատականները հայտնելու են քննության հաջորդ օրը, իսկ դրա հաջորդ օրն էլ բողաքարկման օրն է բոլոր նրանց համար, ովքեր դժգոհ են իրենց քննական միավորից:
Բոլոր փուլերում արձանագրված գնահատականների հիման վրա տեղի կունենա մրցույթը՝ հայտում նշված միակ մասնագիտության համար՝ սկզբում անվճար, իսկ միավորիների չբավարարելու դեպքում՝ վճարովի տեղերի համար: Մրցույթի արդյունքները հրապարակվելու են հուլիսի 18-ին: Թափուր տեղերի հրապարակումից հետո դրական միավորներ ունեցող և մրցույթից դուրս մնացած դիմորդների համար լրացուցիչ մրցույթ է լինելու: Դիմորդը կարող է նշել մինչև 6 մասնագիտություն՝ իր հանձնած քննություններին համապատասխան: 

Այս թեմայով ԵՊՀ-ն բուհերի համաշխարհային վարկանիշում առաջ է անցել Բաքվի պետական համալսարանից Հայաստանից 88 շախմատիստ մասնակցում է «8th Batumi Municipality Cup» միջազգային մրցաշարին Հայկ Մամիջանյանը մասնակցում է Եվրոպայի Ժողովրդական Կուսակցության քաղաքական ասամբլեային Ինչպես նախորդ տարի, այս տարի ևս «Քիմիա» առարկայից 20 միավոր հավաքել է 7 դիմորդ Լրացուցիչ ֆինանսավորում մարզական ֆեդերացիաներին՝ ՀՀ հավաքական թիմերի մարզիկների լավագույն մարզավիճակում մասնակցության ապահովման համար ՀՀ ԱԽ քարտուղար Արմեն Գրիգորյանը մասնակցում է «Ուկրաինայի խաղաղության բանաձև գագաթնաժողովին» Ապուշություն է. Արցախի նախագահը այն մասին, թե իբր արցախցիները 5000 դրամով ցույցերի են մասնակցում (տեսանյութ) Վաղը մեկնարկում է բուհերի ընդունելության միասնական քննությունների հիմնական փուլը Մասնակցում եմ, չեմ վախենում, որովհետև գիտեմ՝ Սրբազանը, եթե մի բան ասել է, ուրեմն լինելու է. ուսանող (տեսանյութ) Հայաստանը չի մասնակցում Ալմաթիում ընթացող ՀԱՊԿ պաշտպանության նախարարների հանդիպմանը