Ալեն Սիմոնյանը շնորհակալություն է հայտնել ԱՄՆ-ին՝ ՀՀ ժողովրդավարական տեսլականին աջակցության համար

ՀՀ ԱԺ նախագահ Ալեն Սիմոնյանը հուլիսի 5-ին ընդունել է ԱՄՆ սենատոր Ռոջեր Ուիքերի գլխավորած կոնգրեսական պատվիրակությանը: Նեղ կազմով տեղի ունեցած զրույցին հաջորդել է ընդլայնված կազմով հանդիպումը, որին մասնակցել են նաեւ ՀՀ ԱԺ պատգամավորներ, հայտնում են ԱԺ-ից։

Ողջունելով պատվիրակության ժամանումը Հայաստան՝ ՀՀ ԱԺ նախագահը շնորհակալություն է հայտնել ԱՄՆ-ին՝ Հայաստանի ժողովրդավարական տեսլականին շարունակական աջակցության համար:

«ԱՄՆ-ն շարունակաբար աջակցել է Հայաստանի ժողովրդավարական տեսլականին եւ զգալիորեն նպաստել Հայաստանում ժողովրդավարական ինստիտուտների եւ օրենքի գերակայության ամրապնդմանն ու մարդու իրավունքների պաշտպանությանը: Այս համատեքստում մենք մեծապես կարեւորում ենք Միացյալ Նահանգների դերը մեր տարածաշրջանում խաղաղության հաստատման գործընթացում եւ բարձր գնահատում ԱՄՆ-ի աջակցությունը Հայաստանի ինքնիշխանությանը, անկախությանը, ժողովրդավարությանը, տարածքային ամբողջականությանը եւ  սահմանների անխախտելիությանը՝ հիմնված 1991 թվականի Ալմա-Աթայի հռչակագրի վրա»,- ասել է Ալեն Սիմոնյանը:

Քննարկումների առանցքում են եղել խաղաղության պայմանագրին, հայ-թուրքական հարաբերություններին, Ադրբեջանում պահվող հայ գերիների հայրենադարձությանը եւ Լեռնային Ղարաբաղի հայկական պատմամշակութային ժառանգության պահպանմանը վերաբերող հարցերը: Ամերիկացի հյուրերին է ներկայացվել ՀՀ կառավարության մշակած «Խաղաղության խաչմերուկ» նախագիծը:

Այս թեմայով Ալեն Սիմոնյանը Ժնևում կհանդիպի Ադրբեջանի մեջլիսի նախագահին Ավելի քան 11 հազար ադրբեջանցիներ ցուցակագրվել են հայերից դատարկվող հայրենի Սիսիան վերադառնալու համար․ Վարդան Բալյան Բայրամովը հայտնել է Ադրբեջանի՝ Հայաստանի հետ խաղաղության նախապայմանը Նահատակ Ռայիսին՝ կառավարման նմուշ էր կառավարությունների և պաշտոնյաների համար․ Իրանի իսլամական հեղափոխության գերագույն առաջնորդ Խայտառակություն՝ Հունգարիայի և սկանդալ Եվրոպայի համար Հայտնի է բոլորի համար ունիվերսալ մարզաձեւը Սա դժվար ընկալելի է հատկապես հայերիս համար․ իրանագետ Լարսը բաց է բոլոր տեսակի տրանսպորտային միջոցների համար Երևանի ՀԷԿ-ում բռնկված հրդեհը մարվել է Աստանան պատրաստ է հարթակ առաջարկել Ադրբեջանի և Հայաստանի միջև խաղաղ բանակցությունների համար․ Տոկաև