«Սահմանադրական» թակարդ. Հայաստանն ԱՄՆ-ի հաշվարկներում տաշեղի ֆունկցիա է կատարում. Անդրանիկ Թևանյան

«Մայր Հայաստան» դաշինքի ղեկավար Անդրանիկ Թևանյանը ֆեյսբուքյան իր էջում գրել է.

« «Սահմանադրական» թակարդ Նիկոլ Փաշինյանի համար

————————————

1991թ․ հետո ունեցել ենք 3 Սահմանադրություն։ ՀՀ ամեն նախագահ իր իշխանավարման տարիներին ընդունել է Սահմանադրություն՝ 1995–ին, 2005–ին, 2015–ին։

Եթե 10 տարին մեկ Սահմանադրություն փոխելու ավանդույթը պահպանվի, ապա 2025–ին մեզ հանրաքվե է սպասվում։ Կամ՝ ավելի շուտ։

Նախորդ 3 սահմանադրությունների ընդունման լեգիտիմության հետ կապված խնդիրներ են եղել, բայց մեկ բան ընդհանուր է եղել բոլորի մոտ։ Ոչ մեկի դեպքում չի ասվել, որ Սահմանադրությունն ընդունվել է Ադրբեջանի պահանջով։

Նիկոլ Փաշինյանն ազդարարում է նոր Սահմանադրության ընդունման անհրաժեշտության մասին և բոլորը գիտեն, որ դա Ալիևի պահանջով է։ Սա «էս գլխից» ոչ լեգիտիմ է դարձնում փաշինյանական նախաձառնությունը, թեև ինքը սահմանադրական հանրաքվեի անհրաժեշտությունը փորձում է փաթեթավորել ընտրական լեգիտիմության ապահովման կարգախոսի ներքո։

Փաշինյանին սահմանադրական հանրաքվեի է դրդում ԱՄՆ–ը, որպեսզի բավարարի Ադրբեջանի պահանջն ու կարողանա վերջնականապես գլուխ բերել ՌԴ–ին մեր տարածաշրջանից հեռացնելու ծրագիրը ։ Հայաստանն ԱՄՆ–ի հաշվարկներում տաշեղի ֆունկցիա է կատարում։

Փաշինյանը վախենում է սահմանադրական հանրաքվեից, քանզի վախենում է ցանկացած էլեկտորալ գործընթացից։ Երևանի ավագանու վերջին ընտրությունները բացահայտեցին, որ Նիկոլը փոքրամասնության մեջ է։

Նիկոլ Փաշինյանը վախենում է սահմանադրական հանրաքվեից, որովհետև ադրբեջանական պահանջը չի կարող հավաքել անհրաժեշտ «այո»–ները։ Իսկ դա կնշանակի Նիկոլի իշխանության փլուզում։

Եթե ԱՄՆ–ի ու Ադրբեջանի ճնշման ներքո Նիկոլն այդուհանդերձ ստիպված գնա հանրաքվեի, ապա այն կվերածվի իր հեռացման գործընթացի։ Դա կլինի Նիկոլին անվստահություն հայտնելու հանրաքվե։ Այնպես որ թող Նիկոլն անպայման հանրաքվեի գնա»։

Այս թեմայով Չպետք է թույլ տալ սահմանադրական ինստիտուտների օգտագործումը հանուն սեփական քաղաքական շահերի․ Թաթոյան Հայաստանում սահմանադրական կարգը տապալված է, այն տապալողի անունն էլ գիտենք․ քաղաքագետ Նարեկ Սամսոնյան Հայաստանն ու Ադրբեջանը կկարողանան հասնել խաղաղության համաձայնագրին․ Ջեյմս Ուորլիք Հայաստանն ու Ֆրանսիան կընդլայնեն համագործակցությունը սեյսմիկ պաշտպանության բնագավառում Սահմանադրական դատարանը քննության է ընդունել Մարդու իրավունքների պաշտպանի դիմումը «Միր» միջազգային հումանիտար հիմնադրամի ղեկավար Անդրանիկ Նիկողոսյանը օգնություն է հավաքագրում առաջնագծում կռվող մարտիկների համար (տեսանյութ) Անդրանիկ Քոչարյանն առաջարկել է ուսանողներին ուղարկել դիրքեր ՝ մասնակցելու ինժեներական աշխատանքներին Հայաստանն ու Հոնկոնգը ստորագրել են կրկնակի հարկման չեղարկման մասին պայմանագիր Հայաստանն ու Վրաստանը զբոսաշրջության ոլորտում համագործակցության խորացման աշխատանքային խումբ կստեղծեն «Հայաստանն ու Մալթան տնտեսության ոլորտում ունեն համագործակցության մեծ ներուժ»․ Գևորգ Պապոյան