Ռուսաստանը Հնդկաստանի ուղեկիցն է և՛ երջանկության, և՛ դժբախտության պահին. Մոդի
Համաշխարհային Մամուլ![Ռուսաստանը Հնդկաստանի ուղեկիցն է և՛ երջանկության, և՛ դժբախտության պահին. Մոդի](/timthumb.php?src=disc/09-07-24/882e899dfa301cb18999438346c49a41.jpg&w=780)
Հնդկաստանի վարչապետ Նարենդրա Մոդին Մոսկվայում հնդկական համայնքի հետ հանդիպման ժամանակ ասել է, որ Ռուսաստանը իր երկրի հավատարիմ բարեկամն է, իսկ ռուս-հնդկական հարաբերություններում ջերմաստիճանը միշտ դրական է, գրում է ՏԱՍՍ-ը։
«Երբ նշվում է «Ռուսաստան» անունը, առաջին բառը, որ գալիս է յուրաքանչյուր հնդիկի մտքին, այն է, որ նա Հնդկաստանի ուղեկիցն է երջանկության և դժբախտության մեջ: Ռուսաստանը Հնդկաստանի իսկական բարեկամն է»,- ասել է Մոդին։
«Ռուսաստանում երբեմն ջերմաստիճանը զրոյից ցածր է լինում, սակայն Հնդկաստանի և Ռուսաստանի հարաբերություններում ջերմաստիճանը միշտ դրական է»,- հավելել է նա։
Մոդին ընդգծել է, որ «Ռուսաստանը Հնդկաստանի հուսալի բարեկամն է ցանկացած եղանակին»։ «Երբ մեր ուսանողները հայտնվեցին մարտական գոտում, նախագահ Վլադիմիր Պուտինն օգնեց նրանց անվտանգ տարհանել», - հիշեցրել է Հնդկաստանի վարչապետը։
Նա նաև ասել է, որ հնդկական կինոն առանցքային դեր է խաղացել Ռուսաստանի և Հնդկաստանի միջև հարաբերությունների ամրապնդման գործում՝ հիշեցնելով հնդիկ դերասաններին, ինչպիսիք են Ռաջ Կապուրն ու Միթհուն Չակրաբորտին։
![](banners/armflix.jpg)