Առողջապահության նախարարն այցելել է Սևանի հոգեկան առողջության կենտրոն
Հասարակություն![Առողջապահության նախարարն այցելել է Սևանի հոգեկան առողջության կենտրոն](/timthumb.php?src=disc/09-07-24/326f32ce5e40d776e44f6dd983cbecb1.jpg&w=780)
ԱՆ «Սևանի հոգեկան առողջության կենտրոն» է այցելել առողջապահության նախարար Անահիտ Ավանեսյանը:
Շրջայցի ընթացքում նախարարին են ներկայացվել այն փոփոխությունները, որոնք միտված են պացիենտների և բուժանձնակազմի համար պայմանների բարելավմանը:
Կենտրոնում վերջերս վերանորոգվել է ևս մեկ բաժանմունք, կատարվել են ներքին հարդարման, բակային հատվածի բարեկարգման աշխատանքներ:
Անահիտ Ավանեսյանը կենտրոնի ղեկավարության հետ քննարկման ժամանակ հատուկ ուշադրություն է դարձրել նոր սերնդի դեղորայքի կիրառման արդյունավետությանը և նորագույն բուժական մեթոդների ներդրման հնարավորություններին:
Նա հետաքրքրվել է նաև հոգեկան առողջության խնդիրներ ունեցող անձանց համար մշակված սննդակարգով և սննդի պահման պայմաններով:
«Սևանի հոգեկան առողջության կենտրոն»-ում բարեկարգման աշխատանքները շարունակվելու են:
![](banners/armflix.jpg)