Հայտնաբերվել է Էրեբունիում կրակոցների հեղինակը. վնասվածք է ստացել 27-ամյա երիտասարդ

Հուլիսի 9-ին ոստիկանության Երևան քաղաքի վարչության քրեական հետախուզության բաժնում օպերատիվ տվյալներ են ստացվել, որ Էրեբունու փողոցի շենքերից մեկի մոտ մի երիտասարդ կրակոցներ է արձակել, և վիրավոր քաղաքացի կա:

ՆԳՆ ոստիկանությունից հայտնում են, որ Երևան քաղաքի վարչության և էրեբունու բաժնի քրեական հետախույզները համատեղ միջոցառումներով պարզել են՝ ժամը 18:30-ին հիշյալ երիտասարդը կենցաղային հարցերի շուրջ վիճաբանել է մեկ այլ երիտասարդի հետ և նրա ուղղությամբ արձակել կրակոցներ:

Տեսանկարահանող սարքերի ուսումնասիրությամբ պարզվել են կատարվածի որոշ հանգամանքներ, իսկ դեպքի վայրի զննությամբ հայտնաբերվել է 2 պարկուճ:

Ժամը 19:05-ին ոստիկանության օպերատիվ կառավարման կենտրոն «Էրեբունի» բժշկական կենտրոնից հաղորդում է ստացվել, որ սրունքի հրազենային վիրավորումով բուժօգնության է տեղափոխվել Նոր Արեշի բնակիչ 27-ամյա երիտասարդ:

Ձեռնարկված միջոցառումների արդյունքում պարզվել է, որ ժամը 18.30-ին հիվանդանոց տեղափոխվածի հետ վիճաբանել և նրա ուղղությամբ ատրճանակով կրակոցներն արձակել է նույն թաղի բնակիչ 25-ամյա երիտասարդը: Ոստիկանության Էրեբունու բաժնի քրեական հետախույզները հետագա միջոցառումների արդյունքում ժամը 19.40-ին Նոր Արեշի 44-րդ փողոցում նրան հայտնաբերել, մարմնական վնասվածք պատճառելու և ապօրինի զենք պահելու համար ձերբակալել ու ներկայացրել են բաժին: Բաժնում նրա գոտկատեղից ընկել է ատրճանակ:

Նախաձեռնվել է քրեական վարույթ: Կազմված փաստաթղթերը ներկայացվել են քննչական բաժին:

Այս թեմայով Սպանության փորձ կատարելու կասկածանքով որոնվում է Նալբանդյան գյուղի 41-ամյա բնակիչը․ նա զինված է Այնթապի գերեզմանատանը գարեջրի կոտրած շշերով բազմաթիվ վնասվածքներ են պատճառել 18-ամյա տղային ու նրա հորը Օլիմպիական մարզուհուն հրկիզել է ընկերը. 33-ամյա կինը մահացել է հիվանդանոցում «93-ամյա սկեսուրիս սիրով եմ խնամում, որ իր կյանքի բոլոր օրերն ապրի գեղեցիկ, մաքուր ու ապահով». Աննա Էլբակյանը՝ երազանքի ու ձեռքբերման մասին Սևանի ափին հայտնաբերվել է «Lexus», ջրասուզակները վարորդին որոնում են լճում Սիս գյուղում «Կամազը» վրաերթի է ենթարկել Արցախից տեղահանված 34-ամյա կնոջը. նա մահացել է 20-ամյա երիտասարդին դանակահարել էր 16-ամյա համաքաղաքացին Կիևյան փողոցում փոխհրաձգության մասնակից, հետախուզվողներից մեկը հայտնաբերվել է. նա կալանավորվել է Պանրի տեխնոլոգիայով արտադրվող մթերքում հայտնաբերվել են մանրէաբանական շեղումներ. ՍԱՏՄ 3 ամսական երեխայի ու նրա 10-ամյա քրոջ մահվան պատճառ դարձած վթարի գործով նախաքննություն է կատարվում