Փnրձել է քրոջ ամnւuնուն քնած վիճակnւմ uպանել․ ինչ է հայտնի

2024 թվականի հուլիսի 8-ին՝ ժամը 07։14-ին, Աստղիկ Բ/Կ-ից հաղորդում է ստացվել այն մասին, որ դանակահարվելու հետևանքով՝ որովայնի շրջանի կտրած վերք ախտորոշմամբ շտապօգնության խմբի կողմից իրենց մոտ բուժօգնության է տեղափոխվել մի տղամարդ։

Ձեռնարկված օպերատիվ–հետախուզական միջոցառումների արդյունքում պարզվել է նշված անձի, ինչպես նաև վերջինիս հիշյալ մարմնական վնասվածքը պատճառած անձի ինքնությունը, ովքեր Երևանի բնակիչներ են՝ ծնված 1963թ․։

Դեպքի առթիվ ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում ՀՀ քրեական օրենսգրքի 166-րդ հոդվածի 2-րդ մասի 6-րդ կետով նախաձեռնել է քրեական վարույթ։

Նախաքննության ընթացքում իրականացված քննչական և վարութային գործողությունների արդյունքում պարզվել է, որ 2024 թվականի հուլիսի 8-ին՝ ժամը 06։30-ի սահմաններում, Երևան քաղաքի Վանթյան փողոցում գտնվող տանը 61–ամյա տղամարդը, կյանքից զրկելու դիտավորությամբ, դանակով հարվածել է քնած վիճակում գտնվող՝ քրոջ ամուսնու կրծքավանդակին, սակայն իր կամքից անկախ հանգամանքներում հանցանքն ավարտին չի հասցրել ․ քույրը և վերջինիս ամուսինը արթնացել են և դանակը ձեռքից վերցրել։

Ձեռք բերված բավարար փաստերի հիման վրա 61–ամյա տղամարդուն մեղադրանք է ներկայացվել՝ ՀՀ քրեական օրենսգրքի 44-155-րդ հոդվածի 2-րդ մասի 3-րդ կետով։ Միջնորդություն է ներկայացվել դատարան՝ նրա նկատմամբ որպես խափանման միջոց կալանքը կիրառելու վերաբերյալ։

Նախաքննությունը շարունակվում է:

ՀՀ քննչական կոմիտե

Այս թեմայով «Երբեք այսքան հուզված չէի եղել». Ռաֆայել Երանոսյան Դեռևս հայտնի չէ` Արարատ Միրզոյանը կմասնակցի «3+3» հարթակի հաջորդ հանդիպմանը, թե ոչ Արտառոց դեպք՝ Գեղարքունիքում․ կնոջը հրավիրել են ամառանոց, փnրձել են բռնաբարել, հնչել են կրակnցներ Հայտնի է դարձել, թե ում է Ալեն Դելոնը կտակել իր կարողությունը Երևանում առևանգել են ԱՄՆ-ում հայտնի բիզնեսմենի կնոջը․ առևանգողները եղել են ԱԱԾ կեղծ համազգեստով Հայտնի է Հայաստանի հավաքականի խաղացանկն Ազգերի լիգայում 3 ամսական երեխայի ու նրա 10-ամյա քրոջ մահվան պատճառ դարձած վթարի գործով նախաքննություն է կատարվում ԵՊՀ ներկայիս ղեկավար կազմը ձևավորվել է հայտնի «տրոյկայի» ջանքերով, նրա՛նց ենք մոռանում. Մելիքյան Հայտնի է թոշակի վճարման օրը Ջուր չի լինի. հայտնի են որոշ հասցեներ