Եվրոպական զարգացման բանկը կշարունակի համագործակցել Երևանի քաղաքապետարանի հետ

Երևանի քաղաքապետի տեղակալ Լևոն Հովհաննիսյանը հանդիպել է Եվրոպական ներդրումային բանկի վարկային գործառնությունների, ընդլայնման և ԵՄ հարևանության բաժնի ղեկավար Ռաֆալ Ռիբակիի գլխավորած պատվիրակության հետ, քննարկել ընթացիկ ծրագրերը:

Փոխքաղաքապետն ընդգծել է, որ Երևանը բարձր է գնահատում բանկի հետ ծավալված արդյունավետ համագործակցությունը` քաղաքի մետրոյի վերակառուցման, հանրային շենքերի էներգաարդյունավետության բարձրացման, սեյսմիկ ամրացմանն ու վերակառուցմանն ուղղված ծրագրերը։

«Քաղաքային տրանսպորտային համակարգի կարևորագույն բաղադրիչ հանդիսացող Երևանի մետրոյի վերակառուցման ծրագրի շրջանակում ԵՆԲ հաջող գործընկերության շնորհիվ ունենք զգալի առաջընթաց: Ավարտին է մոտենում Դրենաժային թունելի երկարացումը և մետրոյի թունելներում վերականգնողական աշխատանքների իրականացումն ապահովելով ուղևորափոխադրումների անվտանգ կազմակերպումը: Ներկայում հաջողությամբ իրականացվում են Երևանի էներգաարդյունավետության ծրագրի 1-ին փուլով նախատեսված աշխատանքները: Ինը մանկապարտեզներում շինարարական աշխատանքներն արդեն ավարտվել են, և մանկապարտեզները հանձնվել են շահագործման՝ ապահովելով առավել հարմարավետ պայմաններ երեխաների համար: 5 մանկապարտեզներում շինարարական աշխատանքները կավարտվեն այս տարի, միաժամանակ կմեկնարկի շուրջ 40 մանկապարտեզներում հորիզոնական միջոցառումների իրականացման և 156 մանկապարտեզի վերակառուցման մրցութային գործընթացը», - նշել է Լևոն Հովհաննիսյանը: 

Բանկի հետ գործակցության շրջանակում մեկնարկել է Երևանի էներգաարդյունավետության ծրագրի երկրորդ փուլի վարկային համաձայնագրով նախատեսված 32 մանկապարտեզներում և 6 առողջության կենտրոններում նախագծային աշխատանքների իրականացումը: Ծրագիրն ունի ինչպես սոցիալական, այնպես էլ շրջակա միջավայրի պահպանմանն ուղղված կարևորագույն նշանակություն: Նպաստելով հանրային շենքերի կենսապայմանների բարելավմանը և հարմարավետության մակարդակի բարձրացմանը՝ այն զգալիորեն կնվազեցնի էներգիայի, բնական գազի ծախսերը, իսկ տարեկան կտրվածքով կկրճատվեն վնասակար CO2 արտանետումները։

«Վստահ ենք, որ այս ծրագրի իրականացմամբ կունենանք ժամանակակից էներգաարդյունավետ համալիր լուծումներով, վերականգնվող էներգիայի աղբյուրների կիրառմամբ վերազինված, սեյսմակայուն և ամուր համայնքային նշանակության շենքեր։ Ակնկալում ենք, որ գործող և առաջիկայում նախատեսվող ծրագրերի շրջանակներում Եվրոպական զարգացման բանկը կշարունակի ակտիվորեն համագործակցել Երևանի քաղաքապետարանի հետ՝ ներդրումային ու զարգացման ծրագրերի ֆինանսավորման ժամանակակից գործիքակազմի ներդրման ուղղությամբ` նոր մակարդակի հասցնելով ծրագրերը»,- նշել է փոխքաղաքապետը:

Եվրոպական ներդրումային բանկի վարկային գործառնությունների, ընդլայնման և ԵՄ հարևանության բաժնի ղեկավար Ռաֆալ Ռիբակին Երևանի հետ փոխգործակցությունը գնահատել է կարևոր՝ ընդգծելով, որ համատեղ ծրագրերի արդյունքում բարելավվում է մարդկանց կյանքի որակը:

Հանդիպմանը կողմերը քննարկել են նաև համատեղ նոր ծրագրերի հնարավորությունները՝ կոշտ թափոնների կառավարման, «խելացի» քաղաքի և «կանաչ» հասարակական տրանսպորտի ոլորտային ուղղություններով։

Այս թեմայով Երևանի գրադարանների համար շուրջ 40 մլն դրամի գրքեր են ձեռք բերվել Երևանի ավագանու անդամն ահազանգում է. Ավինյանը ցանկանում է դադարեցնել վերջինիս լիազորությունները Խաղային ոլորտի կարգավորման գործառույթը կվերապահվի էկոնոմիկայի, իսկ պետություն-մասնավոր գործընկերության զարգացման ոլորտը՝ ֆինանսների նախարարությանը. «Փաստ» Տիգրան Ավինյանը նկարիչ Թաթոսին «Երևանի մշակույթի պատվավոր գործիչ» կոչումն է շնորհել Քննարկվել են ՀՀ-ի դեմ Մարդու իրավունքների եվրոպական դատարանի վճիռների կատարմանը վերաբերող հարցեր Մոսկվան երբեք չի հրաժարվել Երևանի և Բաքվի միջև «ազնիվ միջնորդի» դերից. Կոպիրկին Երևանի թիվ 48 մանկապարտեզում սանի նկատմամբ բռնության հետքերով. դաստիարակն ազատման դիմում է գրել Փաշինյանը ՔՊ-ի հետ կուսակցության զարգացման ռազմավարությունն է քննարկել Երևանի բժշկական կենտրոններից մեկի մոտակայքում ավտոմեքենա է այրվել Երևանի քաղաքապետարանը ներկայացրել է Կասկադ համալիրի տարբերակները