Մոլդովան սկսել է ԵՄ-ին անդամակցելու բանակցությունների երկրորդ փուլը

Մոլդովայում մեկնարկել է Եվրամիությանն անդամակցելու բանակցությունների երկրորդ փուլը։ Ինչպես տեղեկացնում է «ՌԻԱ Նովոստի»-ն, այդ մասին հայտնել է եվրաինտեգրման հարցերով փոխվարչապետ Քրիստինա Գերասիմովան։

Եվրահանձնաժողովի պատվիրակությունը Քիշնևում է, որտեղ հանդիպումներ է ունեցել մոլդովացի պաշտոնյաների հետ, ովքեր պատասխանատու են եվրաինտեգրման բանակցային գործընթացի համար։

Մոլդովան սկսեց ԵՄ-ին միանալու շուրջ բանակցությունների երկրորդ փուլը՝ երկկողմանի սքրինինգով, ինչը նախատեսում է օրենսդրության վերլուծական վերանայում և թեկնածու երկրի կողմից ԵՄ հանձնարարականների կատարման գնահատում: Եվրոպական օրենսդրության մեջ «Պետական ​​գնումներին» առնչվող հոդվածն անհրաժեշտ է ցանկացած ժողովրդավարական պետության պատշաճ գործունեության համար, քանի որ այն վերաբերում է պետական ​​միջոցների արդյունավետ օգտագործմանը», - ասել է Գերասիմովան։

Մոլդովայի կառավարության մամուլի ծառայությունն իր հերթին նշել է, որ երկկողմ սքրինինգի առաջին հանդիպմանը մասնակցել է Եվրոպական հարևանության հարցերով հանձնակատար Օլիվեր Վարհելին, ով խոսել է գործընթացի ընթացակարգի մասին։

2022 թվականի հունիսին ԵՄ-ն Ուկրաինային և Մոլդովային շնորհեց ԵՄ թեկնածու երկրների կարգավիճակ՝ մի քանի խիստ պայմաններ սահմանելով անդամակցության բանակցությունների պաշտոնական մեկնարկի համար։ ԵՄ-ն բազմիցս խոստովանել է, որ նման որոշումը հիմնականում խորհրդանշական էր՝ Մոսկվային դեմ Կիևի և Քիշնևի դիմակայությանն աջակցելու համար։

Այս թեմայով Շոլցը վստահեցրել է, որ երկրորդ անգամ կընտրվի Գերմանիայի կանցլերի պաշտոնում Բանակցությունների ֆոնին հնարավոր է՝ Ադրբեջանը սադրանքի դիմի․ Արման Եղոյան (տեսանյութ) ԿԸՀ է ներկայացվել ԵՄ-ին Հայաստանի անդամակցելու գործընթացի մեկնարկի մասին նախագիծը Հայաստանում երկրորդ անգամ անցկացվեց «Ռենջեր 2024» մրցանակաբաշխությունը Թուրքիայում «Իսլամական պետությանն» անդամակցելու կասկածանքով՝ 119 հոգի է ձերբակալվել Մոսկվան աջակցում է ԲՐԻԿՍ-ին անդամակցելու Բաքվի հայտին Պեսկովը խոսել է Ուկրաինայի հետ բանակցությունների մասին Շտապ անհրաժեշտ է երկրորդ բացասական կարգի արյուն «Հրապարակ». Փարամազյանի մեքենայի հետ կապված վարույթ են սկսել ՀՀ-ն ու Մոլդովան ընդգծել են համագործակցության օրակարգի ընդլայնման պատրաստակամությունը