Օրբանը Ռուսաստանի հետ բանակցել է ոչ ԵՄ-ի անունից. Մակրոն

Հունգարիայի վարչապետ Վիկտոր Օրբանի և Ռուսաստանի ու Չինաստանի միջև բանակցությունները նրա անձնական նախաձեռնությունն են, որին Եվրամիությունը մանդատ չի տվել իր անունից բանակցելու։ Այս մասին Վաշինգտոնում ՆԱՏՕ-ի գագաթնաժողովի շրջանակում կայացած մամուլի ասուլիսում հայտարարել է Ֆրանսիայի նախագահ Էմանուել Մակրոնը։

«Դա վերաբերում է միայն Հունգարիային, նա բանակցություններ վարելու մանդատ չի ստացել»,- ասել է նա։ Նախագահը հավելել է, որ այդ մասին խոսել է անձամբ Հունգարիայի վարչապետի հետ։ Նա նշել է, որ Օրբանը լեգիտիմ կառավարության ղեկավար է, ով «անկախ է իր դիվանագիտության մեջ»։ «Նա այցելել է այս երկրներ՝ որպես Հունգարիայի վարչապետ, սա շատ օգտակար է, սա նրա ընտրությունն է», - ասել է Մակրոնը։ «Այդ այցերով նա մեզ [ԵՄ-ին-խմբ.] ոչ մի բանի չի պարտադրում, քանի որ նա մեզ ոչ մի բանի մասին նախապես չի զգուշացրել»։

Ինչպես հայտնի է, հուլիսի 5-ին Օրբանն այցելել է Մոսկվա, որտեղ հանդիպել է ՌԴ նախագահ Վլադիմիր Պուտինի հետ, քննարկել Ուկրաինայի հակամարտության կարգավորման հնարավոր ուղիները և խաղաղ բանակցությունների մեկնարկը։ Ավելի ուշ վարչապետն այցելել է Պեկին, որտեղ հանդիպել է Չինաստանի նախագահ Սի Ցզինպինի հետ։ Ռուսաստան այցից առաջ Օրբանը հուլիսի 2-ին Կիևում երկրի նախագահ Վոլոդիմիր Զելենսկու հետ քննարկել է Ուկրաինայի հակամարտության կարգավորման հարցը։

Հունգարիայի կառավարությունը բազմիցս հայտարարել է, որ ուկրաինական հակամարտության կարգավորումը հնարավոր կլինի միայն ԱՄՆ-ի և Եվրամիության մասնակցությամբ, և, նրա կարծիքով, Վաշինգտոնը պետք է խաղա գլխավոր դերը, քանի որ հենց նա է ապահովում Կիևին հիմնական ռազմական և ֆինանսական աջակցությունը։ Միևնույն ժամանակ, Հունգարիայի ներկայացուցիչները նշել են, որ այս նպատակին հասնելու համար հույս չեն դնում ամերիկյան ներկայիս վարչակազմի վրա՝ նախագահ Ջո Բայդենի գլխավորությամբ, քանի որ նրանք հանդես են գալիս Ուկրաինայում ռազմական գործողությունների շարունակման օգտին։

Այս թեմայով «Հրապարակ». Ինչու է Փաշինյանը կրկին վերադառնում Ռուսաստանի գիրկը Ռուսաստանի ավիացիոն ակտիվության պատճառով՝ Լեհաստանն օդ է բարձրացրել իր կործանիչները ՌԴ խաղաղապահների և քաղաքացիների դեմ ցանկացած սադրանք կդիտարկվի` որպես հարձակում Ռուսաստանի վրա. Զախարովա Բաքվում Ալիևի անունից մեզ կոնյակներ էին բերել, վրան գրված` «Շուշա', դեռ կվերադառնանք», ծիծաղում էինք. Զոհրաբյան (տեսանյութ) Էրդողանն ընդունել է Ռուսաստանի հրավերը Ֆինլանդիան մտադիր է Ռուսաստանի հետ սահմանի ցանկապատն ավելի բարձր դարձնել Եթե Հայաստանը ցանկանում է ուղիղ բանակցել Ադրբեջանի հետ, ի սեր Աստծո, թող բանակցի. Լավրով Լեռնային Ղարաբաղը զոհաբերեցին թե՛ Հայաստանի, թե՛ Ռուսաստանի, թե՛ արեւմտյան երկրների իշխանությունները. «Հայաքվե» Մոսկվայում հոսպիտալացվել է Ռուսաստանի ժողովրդական արտիստ 92-ամյա Բեդրոս Կիրկորովը Նիկոլը կրկին վերադարձավ Ռուսաստանի գիրկը, առայժմ ցտեսություն, «գցված» Արևմուտք, զբաղվեք ձեր ընտրություններով․ Զաքարյան