Վանաձորում ոստիկաններն ու ԱԱԾ աշխատակիցները բերման են ենթարկել «Խիմզավոդցի կարատեիստ» Արսենին
Արտակարգ Պատահար![Վանաձորում ոստիկաններն ու ԱԱԾ աշխատակիցները բերման են ենթարկել «Խիմզավոդցի կարատեիստ» Արսենին](/timthumb.php?src=disc/20-07-24/2e89ddb8defd47388f7eabc65e440722.jpg&w=780)
Երեկ՝ հուլիսի 19-ին, ՀՀ Ներքին գործերի նախարարության ոստիկանության Լոռու մարզային վարչության ծառայողները և ՀՀ Ազգային անվտանգության ծառայության Լոռու մարզային վարչության ծառայողները Վանաձորում իրականացրել են հատուկ օպերացիա։
Ինչպես հայտնում է shamshyan.com-ը, ՀՀ ԱԱԾ և ոստիկանության Լոռու մարզային վարչություններում օպերատիվ տեղեկություններ են ստացվել, որ Վանաձորում հայտնի «Խիմզավոդցի կարատեիստ» Արսենը գտնվում է «Խիմզավոդ» թաղամասի կարատեի մարզադպրոցի մոտ և զինված է։
Ոստիկաններին տեսնելով՝ նա փորձել է դիմել փախուստի, սակայն իրավապահներին հաջողվել է կանխել փախուստը։ Կասկածյալը չի ենաթրկվել ոստիկանների օրինական պահանջին, ապա գոտկատեղից գետնին է գցեկ զենքի նմանվող առարկան։ Ի վերջո իրավապահները վնասազերծել են նրան, ապա ձերբակալել և տեղափոխել ոստիկանության Տարոնի բաժին։
Աղբյուրի տեղեկություններով՝ բերման ենթարկվածը Լոռու մարզի բնակիչ 40-ամյա Արսեն Փերիխանյանն է, ում եղբորը 2023 թվականի նոյեմբերի 28-ին կրակել ու սպանել էին Վանաձոր քաղաքի Տիգրանյան 1 հասցեի մոտ։
![](banners/armflix.jpg)