Վերջին մեկ տարվա վթարները` բեռնատարներով․ արգելե’ք շահագործումը․ Խաժակյան
Հասարակություն![Վերջին մեկ տարվա վթարները` բեռնատարներով․ արգելե’ք շահագործումը․ Խաժակյան](/timthumb.php?src=disc/22-07-24/0d794ead3a47d23cc9afa4ffb9f1e5cd.jpg&w=780)
«Լուսավոր Հայաստան» խմբակցության փոխնախագահ Դավիթ Խաժակյանը գրում է․
«Արգելե’ք այս բեռնատարների շահագործումը [Լուսանկարները միայն վերջին մեկ տարվա]
Այսօր հերթական անգամ ողբերգական ավտովթար է տեղի ունեցել «ԶԻԼ» բեռնատարի մասնակցությամբ: Զոհեր և վիրավորներ: Էլ քանի՞ նման դեպք պետք է լինի, որ պետական մարմինները արգելեն շահագործել 30-ից 60-ամյա, սպասարկման ոչ ենթակա և «կենդանի» պահեստամասեր չունեցող այս մեքենայի շահագործումը:
Ես հասկանում եմ, որ դեռ չենք հասել այն մակարդակին, որ նորմային մոտ արգելքներ սահմանենք մարդատար մեքենաների նկատմամբ: Բայց չեմ հասկանում, ինչպե՞ս կարելի է թույլ տալ ամենօրյա, ծանր շահագործման պայմաններում կոմերցիոն գործունեություն ծավալել «Զլերով»:
Ակնհայտ է, որ տեխզննումը այս հարցը չի լուծում, շահագործող վարորդն էլ լավ օրից չէ, որ տոննաներ է բարձում այս «փորձանքի» թափքում:
Եթե ունենաինք պատասխանատու կառավարիչներ, վերջիններս ջարդոնի ընդունման կետ կսահմանեին, որտեղ կոմերցիոն գործունեություն ծավալող վարորդները հնարավորություն կունենաին իրենց բեռնատարը լիզինգային պայմաներով փոխարինել նորով»։
![](disc/22-07-24/91c63e28817f1e94e285ff89a1188087.jpg)
![](disc/22-07-24/cca045bbba43b978329a11b7635390e6.jpg)
![](disc/22-07-24/54f46e5e187c018b1c19ee1255983f24.jpg)
![](banners/armflix.jpg)