Եթե Թրամփը հաղթի, Ուկրաինայում պատերազմն ավելի արագ կավարտվի. Կոբախիձե
Համաշխարհային Մամուլ![Եթե Թրամփը հաղթի, Ուկրաինայում պատերազմն ավելի արագ կավարտվի. Կոբախիձե](/timthumb.php?src=disc/22-07-24/7bec798e3e6f22dbde1f5bed1f8b55ec.jpg&w=780)
Եթե Թրամփը հաղթի, Ուկրաինայում պատերազմն ավելի արագ կավարտվի։ Այսպիսի կարծիք է հայտնել Վրաստանի վարչապետ Իրակլի Կոբախիձեն, գրում են միջազգային ԶԼՄ-ները։
«Իհարկե մենք չենք կարող միջամտել որևէ մեկի ընտրություններին, հատկապես այնպիսի մեծ երկրի նախագահական ընտրություններին, ինչպիսին ԱՄՆ-ն է։ Դա մեր գործը չէ: Միակ բանը, որ կարելի է ասել, այն է, որ եթե Թրամփը հաղթի ընտրություններում, Ուկրաինայում պատերազմն ավելի արագ կավարտվի։ Հետևաբար, մեր տարածաշրջանն ավելի արագ կհանդարտվի, ինչը կփոխի վերաբերմունքը, մասնավորապես, Վրաստանի նկատմամբ։ Եթե տարածաշրջանում խաղաղություն լինի, Վրաստանի նկատմամբ վերաբերմունքը կփոխվի: Սա այն ամենն է, ինչ կարելի է ասել դրա մասին, մնացածը Ամերիկայի ժողովրդի ընտրությունն է։ Ամերիկայի ժողովուրդը պետք է որոշի, թե ով է լինելու իր նախագահը», – ասել է Կոբախիձեն։
«Վրացական ընդդիմությունը ոչ միայն քննադատում էր Թրամփին, հիշում եք՝ ինչ կոշտ, վիրավորական արտահայտություններ էին նրանք օգտագործում ԱՄՆ նախկին նախագահի հասցեին: Այսօր նրանց հռետորաբանությունը փոխվել է, քանի որ նրանք կարծում են, որ Թրամփը, ամենայն հավանականությամբ, կհաղթի ընտրություններում, բայց ոչ ոք չի կարող մոռանալ այն կոպիտ հռետորաբանությունը, որը նրանք օգտագործել են երկար տարիների ընթացքում: Եթե Թրամփը հաղթի, Ուկրաինայում պատերազմն ավելի շուտ կավարտվի, քան կավարտվի մեկ այլ դեպքում, հետևաբար, տարածաշրջանն ավելի արագ կհանդարտվի, և նման իրավիճակում Վրաստանի նկատմամբ վերաբերմունքը կփոխվի, Վրաստանի նկատմամբ ավելի շատ արդարություն կլինի», - ասել է Վրաստանի վարչապետը։
![](banners/armflix.jpg)