Կիևի «Դինամոն» հրաժարվել է սեղմել սերբական ակումբի ֆուտբոլիստների ձեռքը
Սպորտ![Կիևի «Դինամոն» հրաժարվել է սեղմել սերբական ակումբի ֆուտբոլիստների ձեռքը](/timthumb.php?src=disc/23-07-24/97e08bf725ac64dabf9d2cce6b5e58b5.jpg&w=780)
Կիևի «Դինամոն» Չեմպիոնների լիգայի որակավորման երկրորդ փուլի Բելգրադի «Պարտիզանի» հետ հանդիպումից առաջ հրաժարվել է ողջույնի ձեռքսեղմումներից։ ԻՆչպես տեղեկացնում է «Արմենպրես»-ը՝ վկայակոչելով «Lenta.ru»-ն, այդ մասին հայտարարել է ուկրաինական ակումբի գլխավոր մարզիչ Ալեքսանդր Շովկովսկին։
Նա ասել է, որ իրեն շփոթեցրել է սերբական «Պարտիզանի» Մոսկվա մեկնելը՝ տեղի «Դինամոյի» և ԲԿՄԱ-ի հետ ընկերական մրցաշարին մասնակցելու համար։ Նա ընդգծել է, որ Եվրոպական ֆուտբոլային ասոցիացիաների միությունը (ՈՒԵՖԱ) բացառել է ռուսական ակումբներին բոլոր միջազգային մրցաշարերից։
Չեմպիոնների լիգայի որակավորման երկրորդ փուլում Կիևի «Դինամոն» կհանդիպի «Պարտիզանի» հետ։ Հանդիպումները կկայանան հուլիսի 23-ին Լեհաստանի Լյուբլինում, իսկ հուլիսի 31-ին՝ Բելգրադում։
Ավելի վաղ Ուկրաինայի ազգային օլիմպիական կոմիտեի նախագահ Վադիմ Գուտցայտը հայտարարել էր, որ ուկրաինացի մարզիկներին թույլատրվել է չբարևել ռուսներին 2024 թվականի Օլիմպիական խաղերի ժամանակ։ Նրա կարծիքով՝ գլխավորն այն է, որ ուկրաինացի մարզիկների նկատմամբ սադրանքներ չլինեն։
![](banners/armflix.jpg)