11-ամյա երեխայի ծեծվելու դեպքի առթիվ վարույթ չի նախաձեռնվել. մյուս կողմը եւս անչափահաս է
Հասարակություն![11-ամյա երեխայի ծեծվելու դեպքի առթիվ վարույթ չի նախաձեռնվել. մյուս կողմը եւս անչափահաս է](/timthumb.php?src=disc/24-07-24/0912447293f93a70385c45615fa04bf3.jpg&w=780)
Երեւանում 11-ամյա երեխան հիվանդանոց է տեղափոխվել «պոլիտրավմա» ախտորոշմամբ. Նա ծեծի է ենթարկվել բակում։ Ըստ ՔԿ-ի՝ նախնական տվյալներով նրան հարվածներ են հասցվել հասակակցի կողմից, իսկ միջադեպն առաջացել է խաղալու ժամանակ։
«Նախնական տվյալներով՝ 11- ամյա երեխան վայր է ընկել՝ պարանոցը բռնելու արդյունքում , դեմքի հատվածում ստացել է վնասվածքներ, տեղափոխվել է հիվանդանոց։ Հիմա գտնվում է բուժհաստատությունում։ Խոսքը 11 և 13 տարեկան երեխաների մասին է, երկուսն էլ անչափահաս են, քրեական հետապնդման տարիքի չհասած անձինք են։ Սակայն, նկատի ունենալով, որ անհրաժեշտ է համակողմանի քննություն, քրեական օրենսգրքի 168-րդ հոդվածի երկրորդ մասի 4-րդ կետի հատկանիշներով՝ անչափահասին մարմնական վնասվածք հասցնելու հատկանիշներով, իրականացվում է քննություն՝ վնասվածքների հետ կապված, նշանակված է դատաբժշկական փորձաքննություն, սպասում ենք արդյունքներին։ Նաև 13 ամյա երեխան հրավիրվել է նրա հետ անհրաժեշտ քննչական գործողություններ կատարվում են»,- ասել է ՔԿ մամուլի խոսնակը։
Ինչպես արդեն հայտնել են՝ Ավան-Առինջի 1-ին միկրոշրջանում 11-ամյա տղային ծեծի են ենթարկել, ինչի հետեւանքով ծանր վիճակում, «պոլիտրավմա» ախտորոշմամբ տեղափոխվել է բժշկական կենտրոն։
![](banners/armflix.jpg)