Կուսակցությունից դուրս չեմ եկել, միայն` նախագահի պաշտոնից. Վահե Հակոբյան
Հասարակություն![Կուսակցությունից դուրս չեմ եկել, միայն` նախագահի պաշտոնից. Վահե Հակոբյան](/timthumb.php?src=disc/25-07-24/5026355cac5a2c50116019c4af4ea221.jpg&w=780)
«Հրապարակը» գրում է.
«Վերածնվող Հայաստան» կուսակցության նախագահ, «Զանգեզուրի պղնձամոլիբդենային կոմբինատ» ՓԲԸ-ի նախկին տնօրեն, Սյունիքի նախկին մարզպետ, «Հայաստան» դաշինքի նախկին պատգամավոր Վահե Հակոբյանը, դեռ 2018-ից հետո աչքի էր ընկնում իր ընդդիմադիր կեցվածքով: Նրա ստեղծած կուսակցությունը 2021-ի ամռանը տեղի ունեցած արտահերթ խորհրդարանական ընտրություններից առաջ դաշինք կազմեց Ռոբերտ Քոչարյանի և Հայ հեղափոխական դաշնակցության հետ եւ դարձավ կուսակցությունից մի քանի հոգի դարձան պատգամավոր:
Այն ժամանակ Վահե Հակոբյանի կուսակցության անդամ էին Սյունիքի ըմբոստ համայնքապետերը, սակայն նրանք ընտրություններից հետո հերթով դուրս եկան կուսակցությունից: Իսկ «Դիմադրության» շարժման ձախողումից հետո «Վերածնվող Հայաստան»-ից Հռիփսիմե Ստամբուլյանն ու Ելենա Կիրակոսյանը վայր դրեցին իրենց պատգամավորական մանդատները: Պատգամավորական մանդատը վայր դրեց նաեւ Վահե Հակոբյանը:
Օրեր առաջ իշխանական մամուլում գրվել էր, որ Վահե Հակոբյանը դուրս է եկել իր իսկ ստեղծած կուսակցությունից: Մենք տեղեկացանք, որ Հակոբյանի ղեկավարած «Վերածնվող Հայաստան» կուսակցությունն արդեն մի քանի ամիս է ղեկավարում է լրագրող Անժելա Նալբանդյանը, ով աշխատում է Վահե Հակոբյանի«ՊԱՐԱ ԹԻ-ՎԻ»-ում: Այս տարվա մարտից Հակոբյանն այլևս չի կատարում կուսակցության նախագահի լիազորությունները:
Վահե Հակոբյանը «Հրապարակի» հետ զրույցում նշեց, որ կուսակցությունը չի լքել, այլ միայն` նախագահի պաշտոնն է թողել. «Կուսակցությունից դուրս չեմ եկել, միայն ղեկավարի պաշտոնից, այսքանով եկեք սահմանափակվենք, ես այդպես եմ գտել հարմար», - ասաց Հակոբյանը:
Նշենք, որ Վահե Հակոբյանը վերջին անգամ «Վերածնվող Հայաստան» կուսակցության նախագահ ընտրվել էր 2021-ի փետրվարի 5-ին:
![](banners/armflix.jpg)