Վարչապետն ու ՔՊ-ականները Գյումրիում եւ Հրազդանում միջոցառումների կմասնակցեն. «Ժողովուրդ»
Հայկական Մամուլ![Վարչապետն ու ՔՊ-ականները Գյումրիում եւ Հրազդանում միջոցառումների կմասնակցեն. «Ժողովուրդ»](/timthumb.php?src=disc/27-07-24/64bd754d4de0ea0d889d785bfb7dbf09.jpg&w=780)
«Ժողովուրդ» օրաթերթը գրում է․ «Գյումրի և Հրազդան քաղաքներում շաբաթ և կիրակի օրերին մեծ միջոցառումներ ու տոնակատարություններ կլինեն, որոնց կմասնակցեն վարչապետը, իշխանական պատգամավորները և բարձրաստիճան այլ պաշտոնյաներ։
Այսպիսով, այսօր՝ հուլիսի 27-ին, Գյումրիում կանցկացվի «Ֆեստիվառ» երաժշտական փառատոնը, որի ընթացքում ելույթ է ունենալու հայտնի երգիչ Թաթա Սիմոնյանը։
Փառատոնը անցկացվում է ՀՀ կրթության, գիտության, մշակույթի և սպորտի նախարարության աջակցությամբ և հանրային հեռուստաընկերության նախաձեռնությամբ։
«Ժողովուրդ» օրաթերթը տեղեկացավ, որ Նիկոլ Փաշինյանն այսօր՝ հուլիսի 27-ին, իր ընտանիքով է Գյումրիում մասնակցելու «Ֆեստիվառ»-ին։
Իսկ արդեն կիրակի՝ հուլիսի 28-ին, Գյումրի և Հրազդան քաղաքների օրն է, ինչի առթիվ երկու քաղաքներում մի շարք մշակութային միջոցառումներ են նախատեսված՝ ֆլեշմոբներ, մրցույթ-խաղեր և համերգային տոնակատարություններ։
«Ժողովուրդ» օրաթերթը տեղեկացավ, որ Հրազդանում միջոցառումներին մասնակցելու համար ևս վարչապետին և ՔՊ-ականներին հրավերներ են ուղարկվել»:
Առավել մանրամասն թերթի այսօրվա համարում
![](banners/armflix.jpg)