Վենեսուելայում զանգվածային բողոքի ցույցեր են Մադուրոյի վերընտրման դեմ. կան վիրավորներ (լուսանկարներ, տեսանյութ)
ՏեսանյութերՀուլիսի 29-ին Վենեսուելայի Ազգային ընտրական խորհուրդը հայտարարեց նախագահական ընտրություններում Նիկոլաս Մադուրոյի թեկնածությունը առաջադրելու մասին։ Մադուրոյի հաղթանակի ֆոնին` երկրի փողոցներում բողոքի ցույցեր են սկսվել։ Հազարավոր վենեսուելացիներ դուրս են եկել Կարակասի փողոցներ՝ ընդդեմ Մադուրոյի, փոխանցում են միջազգային ԶԼՄ-ները։
Տասնյակ իրավապահներ փակել են ցուցարարների ճանապարհը, որոնք շարժվում էին դեպի էլիտար Լաս Մերսեդես թաղամաս, և արցունքաբեր գազով ցրել են ցուցարարներին։ Ցուցարարներից ոմանք ի պատասխան՝ հարձակվել են ոստիկանների վրա։ Բացի այդ, ակտիվիստներն անվադողեր են վառել ճանապարհներին՝ ի նշան անհամաձայնության։
Անկարգությունների արդյունքում՝ վիրավորվել է առնվազն 23 զինվոր, այդ թվում՝ հրազենից։
Վենեսուելայի պաշտպանության նախարար Վլադիմիր Պադրինո Լոպեսը հայտնել է, որ տուժածներին անհրաժեշտ բուժօգնություն կտրվի։
«Երկրի քաղաքացիներին և քաղաքական ուժերին կոչ ենք անում հանգստություն պահպանել»,- ընդգծել է նախարարը իր հայտարարության մեջ։
![](disc/30-07-24/57c561bbbda305afd2527e0c12c32ac5.jpg)
![](disc/30-07-24/acaccff70bf8d1acd887cf54ac0bebe7.jpg)
![](disc/30-07-24/85bf4054564a0eadf4a190838fbc3b97.jpg)
![](disc/30-07-24/5b2c590d8eb82e01ee91c04ca5bf17ab.jpg)
![](disc/30-07-24/c5a485809d16ba87fd4fb8e70585c136.jpg)
![](disc/30-07-24/7661e4144a43a224238096a4593f0049.jpg)
![](disc/30-07-24/13a5dc877793c8d3d3a01c8a6ff0fe8e.jpg)
![](disc/30-07-24/6f901189c7f30c5df704f6f185ecd906.jpg)
![](disc/30-07-24/0440a55ab1180320a52e8bcee1aa0c5d.jpg)
![](banners/armflix.jpg)