Աշխարհը սառել է Իրանի պատասխան վրիժառական գործողության սպասումից. Վարդան Ոսկանյան
Հրապարակումներ![Աշխարհը սառել է Իրանի պատասխան վրիժառական գործողության սպասումից. Վարդան Ոսկանյան](/timthumb.php?src=disc/06-08-24/1cf2337c1ce4ae502257b32170c09a11.jpg&w=780)
Աշխարհը սառել է Իրանի պատասխան վրիժառական գործողության սպասումից։ Այս մասին ֆեյսբուքյան իր էջում գրել է իրանագետ Վարդան Ոսկանյանը։
«Աշխարհը սառել է Իրանի պատասխան վրիժառական գործողության սպասումից․ անհանգստություններ, վախեր, գաղտնի բանակցություններ, անորոշություն և այլն։
Իսկ «մերձավորարևելյան առյուծը» հանգիստ ծրագրում է իր գործողությունը՝ վստահ սեփական ուժերի և հնարավորությունների վրա՝ գիտակցելով, որ արդարության հետ որևէ աղերս չունեցող այս աշխարհում հարգում են ուժեղին և հաշվի նստում միայն նրա հետ։
Ընդամենը 40 տարի առաջ սեփական նույնիսկ մեկ հրթիռ չունեցող այս հինավուրց պետությունն ու քաղաքակրթությունն այժմ հրթիռային գերտերություն է, գրեթե միջուկային տերություն, տարածաշրջանում և միգուցե նաև աշխարհում լավագույն արբանյակ ուժերի և կառույցների լայնածավալ ցանցի կառավարիչ։
Իրանը կարելի է սիրել, չսիրել կամ նույնիսկ ատել, բայց չհարգելն անհնարին է, ինչպես անհնարին է նրա վրիժառությունից չանհանգստանալը և խուսափելը»,- գրել է նա։
![](banners/armflix.jpg)