Նոբելյան մրցանակակիր Յունուսը կգլխավորի Բանգլադեշի ժամանակավոր կառավարությունը
Համաշխարհային Մամուլ![Նոբելյան մրցանակակիր Յունուսը կգլխավորի Բանգլադեշի ժամանակավոր կառավարությունը](/timthumb.php?src=disc/07-08-24/52aab80e9f4fe1c838f593dd672d9417.jpg&w=780)
Խաղաղության Նոբելյան մրցանակակիր Մուհամմադ Յունուսը նշանակվել է Բանգլադեշի ժամանակավոր կառավարության ղեկավար, հայտնում է Dhaka Tribune թերթը՝ հղում անելով Ջոյնալ Աբեդինին, ով Բանգլադեշի նախագահ Շահաբուդդին Չուփայի մամուլի քարտուղարն է։
Նա տեղեկացրել է, որ Յունուսին նշանակելու որոշումն ընդունվել է օգոստոսի 6-ի երեկոյան՝ «Ուսանողներն ընդդեմ խտրականության» շարժման առաջնորդների հետ պետության ղեկավարի հանդիպումից հետո։ Աբեդինը նշել է, որ ժամանակավոր կաբինետը վերջնական տեսքի կբերվի տարբեր քաղաքական կուսակցությունների հետ խորհրդակցություններից հետո:
Ինչպես հայտնի է, Բանգլադեշի նախագահը երեքշաբթի օրը ցրել է խորհրդարանը՝ վարչապետ Շեյխ Հասինայի հրաժարականից հետո ժամանակավոր կառավարություն ձևավորելու համար։
![](banners/armflix.jpg)