Իրանը հուսով է` Հանիեի սպանության պատասխանը ժամանակին կլինի
Աշխարհ![Իրանը հուսով է` Հանիեի սպանության պատասխանը ժամանակին կլինի](/timthumb.php?src=disc/10-08-24/af99c3879ebd5ba387e9817b1663a882.jpg&w=780)
Իրանի իշխանությունները հուսով են, որ Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեի սպանության պատասխանը ժամանակին կլինի և չի ազդի Գազայի հատվածում հրադադարի բանակցությունների վրա։ Այս մասին ասված է ՄԱԿ-ում Իրանի մշտական ներկայացուցչության տարածած հաղորդագրության մեջ։
«Մենք ունենք ինքնապաշտպանության օրինական իրավունք՝ մի հարց, որը բացարձակապես կապ չունի Գազայի հրադադարի հետ: Այնուամենայնիվ, մենք հուսով ենք, որ մեր պատասխանը կլինի ժամանակին և կիրականացվի այնպես, որ չխոչընդոտի պոտենցիալ զինադադարին», - նշվում է տեքստում։
Հայտարարության մեջ ընդգծվում է, որ Իրանի առաջնահերթությունը «Գազայում տևական զինադադարի հաստատումն է», և ՀԱՄԱՍ-ի կողմից ընդունված ցանկացած համաձայնագիր կճանաչվի Իրանի կողմից։
![](banners/armflix.jpg)