Արարատի մարզում ավտոմեքենան բախվել է ծառին. կա տուժած
Արտակարգ Պատահար![Արարատի մարզում ավտոմեքենան բախվել է ծառին. կա տուժած](/timthumb.php?src=disc/11-08-24/755d1de5d61b05491c9f71e30454dc52.jpg&w=780)
Օգոստոսի 10-ին, ժամը 20:58-ին Արարատի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Շահումյան գյուղի գործարանի մոտակայքում տեղի է ունեցել ՃՏՊ. առկա է գազի արտահոսք։ Հայտնում է ՀՀ ՆԳՆ փրկարարական ծառայությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Շահումյան գյուղի Մնացականյան փողոցում «GAZ» մակնիշի ավտոմեքենան (վարորդ՝ Ա. Ա., ծնված 2007 թ.) դուրս է եկել ավտոճանապարհի երթևեկելի հատվածից և բախվել ծառին:
Մինչ փրկարարների կանչի վայր հասնելը՝ վարորդը տեղափոխվել է բժշկական կենտրոն, որտեղ բժիշկները տուժածի առողջական վիճակը գնահատել են ծանր:
Փրկարարները հոսանքազրկել են ավտոմեքենան և փակել գազի բալոնի փականը:
![](banners/armflix.jpg)