Երևանում ծառահատումները կրկին կթույլատրվեն․ դատարանի որոշումը բեկանվել է․ «Հետք»

«Հետք»․ Դատարանի որոշմամբ Երևանի քաղաքապետարանին հուլիսի 15-ից ժամանակավորապես արգելվել էր կենսունակության ավարտին մոտ եւ ամբողջովին դեֆորմացված ծառերի փոխարինման (դրանց հատումով ուղեկցվող) գործողություն կատարել Երևան քաղաքի վարչական շրջաններում։ Քաղաքապետարանը բողոքարկել է դատարանի այս որոշումը, և վերադաս ատյանը օգոստոսի 6-ին բավարարել է բողոքը՝ բեկանելով առաջին ատյանի դատարանի որոշումը՝ վերացնելով արգելքը։ 

Այս դատական գործը սկսվել է «Ազգային առաջընթաց» կուսակցության ավագանու անդամ Արամ Թորոսյանի հայցից՝ ընդդեմ Երևանի քաղաքապետարանի։ Արամ Թորոսյանը հանդես էր եկել պահանջով՝ առանց համապատասխան ՇՄԱԳ եզրակացության Երևան համայնքում կենսունակությունը կորցրած ծառերի փոխարինման /ծառերի հատման/ գործողություններից ձեռնպահ մնալուն պարտավորեցնելու մասին։ Որպես հայցի ապահովման միջոց դատարանը բավարարել էր Թորոսյանի միջնորդությունը՝ արգելելով Երևանի քաղաքապետարանին նման գործողություններ կատարելը մինչև տվյալ գործով վերջնական դատական ակտի առկայությունը։

Արամ Թորոսյանը մեզ հետ զրույցում հայտնեց, որ առաջին ատյանի դատարանի կայացրած որոշմանը իրենք ևս դեմ են եղել, քանի որ դատարանի որոշումը վերաբերել էր ոչ թե «Երևան համայնքում կենսունակության ավարտին մոտ գտնվող և ամբողջովին դեֆորմացված ծառերի փոխարինում արժեքավոր և գեղազարդ ծառերով: Ինվազիվ ծառերի հեռացում» ծրագրի շրջանակում իրականացվող ծառահատումներին, այլ առհասարակ ծառահատումներին։

«Կանաչապատում և շրջակա միջավայրի պահպանություն» ՀՈԱԿ-ը մինչև դատարանի որոշման բողոքարկումը «Հետքին» հայտնել էր, որ դատարանի որոշումը Երևան քաղաքի համար կարող է ունենալ վատ ազդեցություն և անկանխատեսելի հետևանքներ։ «Ունի բնակչության անվտանգության բաղադրիչ, քանի որ որոշման մեջ նշված կենսունակությունը կորցրած (չոր), կենսունակության ավարտին մոտ, ամբողջովին դեֆորմացված ծառերի չհեռացնելն ունի շատ մեծ ռիսկեր, քանի որ դրանց մեծ մասը վթարային են և ենթակա են տապալման, որն իր հերթին բերում է քաղաքացիների առողջական՝ նվազագույնը մարմնական վնասներ և նյութական վնասների»։

Քաղաքապետարանը, Արամ Թորոսյանի հաղորդմամբ, հենց այս փաստարկն է ներկայացրել դատարանում՝ նշելով, որ արդեն իսկ քաղաքացիներից դիմում-բողոքներ կան և ահազանգեր, սակայն դատարանի որոշումը թույլ չի տալիս գնալ և կտրել այդ ծառերը։ ՀՈԱԿ-ից մեզ տրամադրած տվյալների համաձայն՝ 2024-ի առաջին կիսամյակում վթարային տապալված ծառերի մասով արձանագրվել է շուրջ 200 դեպք, այդ թվում նաև հաստաբուն ծառերի հաստ ճյուղեր։

 Ավելին՝ սկզբնաղբյուրում։ 

Այս թեմայով Կենտրոնական բանկի աշխատակցի մոտ «Մարիխուանա» է հայտնաբերվել Ավանեսյանը կրկին առաջադիմել է դասակարգման աղյուսակում Լուսահոգի Արմեն Գրիգորյանի գործով վերաքննիչ բողոքների վերաբերյալ որոշումը կհրապարակվի այսօր Ինչո՞ւ Սեժուրնեն Երևանում «հիշեց» Ռուսաստանին. Սուրենյանց Ուկրաինան կրկին հարձակվել են Բելգորոդի վրա (լուսանկարներ) Պլանային ջրանջատում Երևանում և Կոտայքի մարզում սեպտեմբերի 17-ին Ամենայն Հայոց Կաթողիկոսն ընդունել է Միջազգային քրեական դատարանի նախկին դատախազին Օրբանը կրկին կմեկնի Մոսկվա, նա նոր դիվանագիտական անակնկալներ է խոստանում Երևանում՝ Քուվեյթի դեսպանատան մոտ, հաստաբուն ծառը արմատից կոտրվել, ընկել է մեքենային վրա Ռուբլին կրկին էժանացել է. ի՞նչ փոխարժեք է սահմանվել սեպտեմբերի 15-ին