ՆԱՏՕ-ի երկրների գլխավոր շտաբերի պետերը սեպտեմբերին կքննարկեն Ուկրաինայի հետ գործընկերության խորացման հարցը

ՆԱՏՕ-ի բարձրագույն ռազմական մարմինը՝ ռազմական կոմիտեն, սեպտեմբերի 13-15-ը Պրահայում նախատեսված հանդիպման ընթացքում կանդրադառնա Ուկրաինայի հետ գործընկերությունը խորացնելու հնարավորությանը: «Արմենպրես»-ի հաղորդմամբ՝ այդ մասին հայտնում է դաշինքի մամուլի ծառայությունը:

ՆԱՏՕ-ին անդամակցող երկրների գլխավոր շտաբերի պետերն առաջին նիստում կքննարկեն այս տարվա հուլիսին Վաշինգտոնում կայացած գագաթնաժողովում պետությունների ղեկավարների ընդունած որոշումների կատարման ընթացքը:Այդ կապակցությամբ նշվում է, որ ՆԱՏՕ-ի անդամ երկրների առաջնորդները կարևոր քայլեր են ձեռնարկում զսպման և պաշտպանության հետագա ամրապնդման, Ուկրաինայի երկարաժամկետ աջակցության ուժեղացման և համընդհանուր գործընկերության խորացման ուղղությամբ: Երկրորդ նիստում Եվրոպայում ՆԱՏՕ-ի միացյալ զինված ուժերի գերագույն հրամանատար գեներալ Քրիստոֆեր Կավոլին գլխավոր շտաբերի պետերին կտեղեկացնի զսպման և պաշտպանության ծրագրերի իրականացման ընթացքի մասին:

Ուկրաինային ՆԱՏՕ-ի աջակցության փաթեթի շրջանակներում կքննարկվի Ուկրաինայի համար՝ ՆԱՏՕ-ի անվտանգության և ուսուցման հարցերով հրամանատարության (NSATU) ստեղծման հարցը, որը կոչված է ծրագրել, համակարգել և կազմակերպել անվտանգության ոլորտում աջակցության տրամադրումը: Երրորդ նիստում փոխակերպումների հարցերով ՆԱՏՕ-ի գերագույն հրամանատար գեներալ Ֆիլիպ Լավինը կզեկուցի ՆԱՏՕ-ի պաշտպանության պլանավորման գործընթացի (NDPP) համաձայն դաշինքի մարտական գործողությունների վերափոխման մասին:Գլխավոր շտաբերի պետերը կքննարկեն նաև ՆԱՏՕ-Ուկրաինա Համատեղ վերլուծության, ուսուցման և կրթության կենտրոնի (JATEC) գործարկման հարցը:Եռօրյա հանդիպման բացմանը կմասնակցի Չեխիայի նախագահ Պետր Պավելը։

ՆԱՏՕ-ի ռազմական կոմիտեն՝ գլխավոր շտաբի պետերի մակարդակով նիստեր է անցկացնում տարեկան երկու անգամ՝ Բրյուսելում գտնվող կենտրոնակայանում, իսկ տարին մեկ անգամ նիստ է անցկացվում անդամ երկրներից մեկում։ Այս մարմինը հավաքվում է քննարկելու ՆԱՏՕ-ի գործողություններն, առաքելություններն ու գործունեությունը՝ անվտանգության ոլորտի խնդիրների լուծման վերաբերյալ Հյուսիսատլանտյան խորհրդին կոնսենսուսի վրա հիմնված ռազմական առաջարկություններ տրամադրելու համար:

Այս թեմայով «30-ից հետո բոլորը հարցնում էին՝ ե՞րբ ես ամուսնանալու, 40-ում հասկացան, որ այլևս պետք չէ այդ հարցը տալ». Անի Լուպե 2022 թ․ սեպտեմբերին Ադրբեջանը հասցրեց օկուպացիայի ծավալը մինչև 220 քռ կմ Մայր տաճարում կային հատվածներ, որոնք ուղղակի փլուզման էին ենթակա. գլխավոր ճարտարապետ Ամիրան Բադիշյան Ալեն Սիմոնյանն ընդունել է Միջխորհրդարանական միության նախագահին ու գլխավոր քարտուղարին ՀՀ-ի խորհրդարանը շատ ներկայացուցչական և ներառական է. Միջխորհրդարանական միության գլխավոր քարտուղար Փաշինյանն ընդունել է ՄԱԿ զբոսաշրջության համաշխարհային կազմակերպության գլխավոր քարտուղարին Գլխավոր դատախազի խորհրդականը հերքում է Գառնիկ Դանիելյանին «Գլխավոր դատախազը միացել է քաղաքական իշխանությանը». Թովմասյան (տեսանյութ) Աճել է ծանր հանցագործությունների թիվը. Գլխավոր դատախազ (տեսանյութ) Փաշինյանը նոր նշանակում է արել